जबरजस्ती करणी मुद्दाका फरार प्रतिवादी पक्राउ

रेडियो जुनतारा डेस्क    प्रकाशित: २०७९-५-१५ गते   १५७६ पटक हेरिएको

१५ भदौ, वीरगञ्ज ।

जबरजस्ती करणी मुद्दाका फरार एकजना प्रतिवादी पक्राउ परेका छन्।प्रहरीले उनलाई वीरगञ्जबाट जर्बजस्ती करणी मुद्दामा पक्राउ गरेको छ ।
पक्राउ पर्नेमा  वीरगञ्ज महानगरपालिका-१६ बस्ने अनिलप्रसाद चौरसिया रहेका छन्।
वि.स.२०७६ असार १२ गते उच्च अदालत जनकपुर अस्थायी इजलास वीरगञ्जले जबरजस्ती करणी मुद्दामा उनलाई दोषी ठहर गरेको थियो । फैसला आदेशमा उनलाई ६ वर्ष कैद र ३० हजार रुपैयाँ जरिवाना तोकिएको थियो ।
घटना लगत्तै फरार भएका चौरसियालाई वडा प्रहरी कार्यालय बिर्ताबाट खटिएको प्रहरी टोलीले सोमबार वीरगञ्ज-१६ बाटै पक्राउ गरेको हो  ।
अदालतको आदेशमा कैद भुक्तानका लागि सोमबार नै वीरगञ्ज कारागार चलान गरिएको वडा प्रहरी कार्यालय बिर्ताका प्रहरी निरीक्षक विशाल मल्लले जानकारी दिए ।

© Copyright 2020 Nigarani Today. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech