श्रीमान पक्राउ श्रीमतीको हत्या आरोपमा 

रेडियो जुनतारा डेस्क    प्रकाशित: २०७९-६-१२ गते   १५४९ पटक हेरिएको

असोज, १२ 

श्रीमतीको  हत्या  गरेको आरोपमा श्रीमान पक्राउ परेका छन्।मंगलबार ३२ वर्षीया श्रीमती दुलारी सदाको हत्या गरेको आरोपमा  धनुषाको गणेशमान चारनाथ नगरपालिका ६ मुसहर टोलका रेबिया सदालाई प्रहरीले पक्राउ गरेको हो ।
लागु पदार्थ सेवन गरी रेबियाले  आफ्नो  श्रीमती दुलारीलाई सिलौटाले छातीमा प्रहार गरी हत्या गरेको धनुषाका प्रहरी नायव उपरीक्षक प्रदीप बहादुर क्षेत्रीले जानकारी दिए ।
क्षेत्रीका  अनुसार दुलारीको घटनास्थलमै मृत्यु भएको थियो । इलाका प्रहरी कार्यालय ढल्केबर र प्रहरी चौकी पोर्ताहाबाट खटिएको प्रहरीले दुलारीको श्रीमानलाई   मंगलबार पक्राउ गरेको हो ।
घटना स्थलबाट  हत्या गर्न प्रयोग गरिएको ढुंगाको सिलौटो र वियरको बोतल बरामद गरि ज्यान सम्बन्धि कसुरमा म्याद थप गरि थप अनुसन्धान कार्य भईरहेको  प्रहरीले बताए ।

© Copyright 2020 Nigarani Today. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech