गौशाला बजारमा दशैंका लागि खसी –बोका किन्नेको भिड

रेडियो जुनतारा डेस्क    प्रकाशित: २०७९-६-१५ गते   १४९५ पटक हेरिएको

गणेश कुशवाहा ।

विभिन्न हाट बजारहरुमा यस वर्षको दशैंका लागि खसी–बोकाहरुको बिक्री वितरणको बजार सुरू भएको छ।

महोत्तरीको गौशाला नगरपालिका स्थित रहेको गौशाला वडा नं. ५ स्थित खसी –बोकाहरुको बजारमा खसी–बोकाहरु किन्ने मानिसहरुका भिड लागेको छ । महोत्तरी भरिकै प्रख्यात बजारको रुपमा चिनिने एक मात्र बजार गौशाला बजारमा दशैं लाग्ने वित्तिकै गौशाला बजारमा खसी–बोका बजार सुरू भएको हो ।

दशैं मेलामा वली चढाउनका लागि खसी–बोका अत्याधिक बिक्री हुने गरेको छ । जिल्लामै एक मात्र बजार भएको हुनाले खसी–बोकाको मुल्य प्रति गोटा पाँच हजार देखि ३० हजार सम्म बिक्री वितरण हुँदै आएको किसानहरुले जानकारी दिए ।

पछिल्लो समय देखि नै गौशाला नगरपालिका , बर्दिवास नगरपालिका, औरही नगरपालिका, रामगोपालपुर नगरपालिका ,सम्सि गाउँपालिका, सोनमा गाउँपालिका,मनरासिसवा नगरपालिका ,बलबा नगरपालिका लगायत महोत्तरीको प्राय जसो सबै गाउँपालिका र नगरपालिकामा किसानहरुले व्यावसायिक रूपमा पालेका खसी बोकाहरु गौशाला बजारहरुमा बिक्री वितरण गरेर दशैं खर्च जुटाउन थालेका छन् ।

महोत्तरीको व्यावसायिक रुपमा पशुपालक किसानहरुले बाख्रा पालन गरी खसी बोकाको उत्पादन गरी गौशाला बजारमा बिक्री वितरण गर्दै आएका छन् । यस गौशाला बजारबाट बिक्री वितरण भएको खसी–बोकाहरु ठुला-ठुला व्यापारीहरुले दशैका लागि काठमाडौं, पोखरा, बनेपा, धुलिखेल लगायतका क्षेत्रहरुमा निर्यात गर्ने गरिएको छ ।

© Copyright 2020 Nigarani Today. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech