स्रोत नखुलेको १२ लाख ६४ हजार रुपैयाँसहित दुई युवक पक्राउ

रेडियो जुनतारा डेस्क    प्रकाशित: २०७९-८-१५ गते   १०८१ पटक हेरिएको

रौतहट, मंसिर १५ गते :रौतहटबाट स्रोत नखुलेको १२ लाख ६४ हजार रुपैयाँसहित दुई युवक पक्राउ परेका छन् ।पक्राउ पर्नेमा गढीमाई नगरपालिका ४ सग्रामपुरका २९ वर्षीय राजुकुमार यादव र ३३ वर्षीय राजेश कुमार यादव रहेका छन् ।

सशस्त्र प्रहरी ११ नम्बर हेक्वा हजमिनिया गौर बाट इन्स्पेक्टर शंकर थापाको कमान्डमा गएको टोलीले गौर स्थित बरहवा पुल छेउमा चेकजाँचको क्रममा दुबैजनालाई स्रोत नखुलेको रकमसहित नियन्त्रणमा लिएको हो ।

उनीहरुले प्रयोग गरेको प्रदेश ३९०२९०१३ प ४९५६ नम्बरको मोटरसाइकलसहित दुवै जनालाई आवश्यक कारबाहीको लागि जिल्ला भन्सार कार्यालय गौरमा बुझाइएको सशस्त्र प्रहरी रौतहटका प्रमुख ध्रुव कार्कीले जानकारी दिए ।


 

© Copyright 2023 Eradiojuntara.com. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech