मनिषा शर्मा
महोत्तरी , फाल्गुन २२ गते
तराईमा मधेश हर्षोल्लासका साथ मनाइने होली पर्वको अवसरमा सोमबार जनमत पार्टी गौशाला नगर कमिटिले होली मिलन कार्यक्रम गरेको छ।
गौशाला -५ जिरोमाइलको कबर्ड हल स्थित आयोजना गरिएको होली मिलन कार्यक्रममा नगर संयोजक जोगिन्द्र साह , केन्द्रिय महासचिव तथा मधेश प्रदेश सांसद चन्दन सिंह , पार्टीको केन्द्रिय सदस्य विरेन्द्र महतो उर्फ जीवन त्यागी ,लगायत पार्टीको विभिन्न वडाका सभापति ,नेता तथा कार्यकर्ता तथा जनसमुदायको सहभागिता रहेको थियो ।
कार्यक्रममा उपस्थित सम्पूर्ण नेता तथा कार्यकर्ताले एक अर्का लाइ रंग लगाएर शुभकामना आदान प्रदान गरेका छन् । साथै विभिन्न वक्ताहरुले होलीको आगमन संगै पार्टीमा भएको रिसराग , पिर चिन्ता बिर्सेर अब देखि अपनत्वको भावना सिर्जना गरि मेलमिलाप कायम गरिने जनाए ।
