जिज्ञासा कार्यक्रमको बिजेता भए जय यादव

5 वर्ष पहिले प्रकाशित

(2078-02-29 B.S.)

4990 पटक देखिएको

जेष्ठ २९ ,गौशाला

आज रेडियो जुनतारा १०३.४ मेगाहर्जबाट हप्ताको एकदिन शनिवार प्रसारण हुने कार्यक्रम जिज्ञासाको बिजेता जय यादव (जयन्त यादव ) भएका छन् ।

औरही नगरपालिका -४ कबिलाषा स्व.रामनारायण यादव र रिता देवीका छोरा जय यादव (+२ उत्तीर्ण ) ले आज रेडियो जुनताराको कार्यक्रम जिज्ञासामा रेडियोमा प्रत्यक्ष उपस्थित भइ कार्यक्रममा सोधिएका प्रश्नहरुको उत्तर दिएर बिजेता भएका छन् । सो कार्यक्रममा औरही -४ कबिलाषाका श्री नारायण ठाकुर र नगिना देवीका छोरा धरमवीर ठाकुर (एच.ए तेश्रो वर्ष )सहभागी रहेका थिए र उनि जिज्ञासा कार्यक्रममा दोश्रो भएका छन् । त्यसतै सोनमा गाउपालिका -३ रघुनाथपुर बस्ने श्री विचारी राय यादव र रामरेखा देविका छोरा सुधिर कुमार यादव तृतीय भएका छन् । त्यस्तै औरही -४ कबिलाषा बस्ने बेचन साह र बनारसी देवी साहका छोरा सुजय कुमार साह चौथो भएका छन् ।

रेडियो जुनताराको अध्यक्ष श्री निरन्जन कुमार साह ज्युको हातबाट जय यादवले प्रथम भए बापत नगद रु १५५१ र प्रमाण पत्र प्राप्त गरेका छन् र द्वितीय ,तृतीय र चौथो हुनेले प्रमाण पत्र प्राप्त गरेका छन् ।

रेडियो जुनतारामा प्रत्येक हप्ताको शनिवार जिज्ञासा कार्यक्रम मार्फत श्रोताहरुलाई सामान्य ज्ञान सम्बन्धि प्रश्नोत्तर सोधिने र सहि उत्तर दिने बिजेताहरुलाई महिनाको अन्तिम शनिवार रेडियोमा उपस्थित गराई प्रश्नोत्तर गरि बिजेता हुनेलाई प्रमाण पत्र सहित उल्लेखित नगद प्रदान गरिने यो कार्यक्रमको बारेमा बोल्दै बिजेता यादवले भने,"यस कार्यक्रमले विद्यार्थी तथा लोक सेवा आयोगको लागि तयारि गरिरहनु भएका व्यक्तिहरुलाइ महत्वपूर्ण सहयोग पुर्याएको छ ।"

"जसले समाजमा जनचेतना सँगसँगै मानसिक वृद्धिमा पनि विकास गर्न मदत गरको छ ।"उनले भने ।

रेडियो जुनतारालाई धन्यबाद ज्ञापन गर्दै उनले पुरस्कार प्रति खुसि र आभार व्यक्त गरेका छन् ।