महिलाहरु धुमधामका साथ हरितालिका तिज मनाइदै

5 वर्ष पहिले प्रकाशित

(2078-05-24 B.S.)

2381 पटक देखिएको

भदौ २४ ,गौशाला

ज्योतिषी पंचांग अनुसार भदौ शुक्ल तृतीयको दिन हरितालिका तिज देवादिदेव महादेवको पुजा आराधना गरि मनाइदैछ ।

हरितालिका तिज ज्योतिस शास्त्र अनुसार नारीले यो पर्व मनाएपछि आफ्नो जीवनमा जीवन साथीको साथ् सदैव पाउने र श्रीमानको आयु लामो हुने विस्वास छ ।

सबभन्दा पहिले सत्ययुगमा हिमालय पुत्री पार्वतीले गौरीघाटमा बसी तपस्या गरेर महादेवलाई पतिको रुपमा पाउने बरदान पाएकी थिइन तर पिता हिमालयले महादेवलाई ज्वाईको रुपमा स्वीकार नगरेपछि पार्वती चिन्तामा दुबिन तर उनकी साथीहरुले एकान्त ठाउमा पार्वतीलाई लुकाएपछी पार्वतीले निराहार व्रत गरि महादेवालाई प्राप्त गरिन र त्यहि दिनदेखि महिलाहरुले हरितालिका तिज मनाई आफ्नो पतिको लामो आयु माग्ने गर्दछन ।

अविवाहितले सुन्दर पति प्राप्तको लागि व्रत गर्दछन । संस्कृत भाषामा ‘हरित ’ र ‘आलिका’ दुइओटा शब्द मिलेर हरितालिका शब्द बनेको छ । जसमा ‘हरित’ शब्दको अर्थ हरण हो भने ‘आलिका’ शब्दको अर्थ साथि भन्ने हुन्छ ।

सत्युगमा आजैको दिन पार्वतीले ब्रत गरि महादेवालाई पतिको रुपमा पाएकी थिन त्यहि अनुसार आजपनि यो ब्रत बसी पति प्राप्ति र लामो आयु प्राप्तिको आकांक्षा राखी महिलाहरु ब्रत बस्दछंन ।

“निराहार ,जलाहार र फलाहार गरि तिन प्रकारले व्रत बस्ने गर्दछन । स्वाथ्य ठिक नहुनेले रोटि ,स्याउ ,सुन्तला ,केराजस्ता फलाहार गरेर व्रत बस्न गर्दछन ।