दुर्गा पूजाको अवसर पारेर सप्तमिका दिन डोला

5 वर्ष पहिले प्रकाशित

(2078-06-26 B.S.)

4163 पटक देखिएको

असोज २६, बाराको

देवताल गाउँपालिका वडा नम्बर -४ र ५ मा दुर्गा पूजाको अवसर पारेर सप्तमिका दिन डोला निकालिएको छ । नव दुर्गा मेला समितिले भव्य रुपले डोला निकालेका हुन । मेला समितिका अध्यक्ष उपेन्द्र साहको नेतृत्वमा रहेको सयौंको संख्यामा रहेका दर्शनार्थी,भक्तजनको सहभागितामा डोला निकालिएको बताईएको छ ।

यसपालि देखि पुर्व टोलमा मेला आयोजना गरिएको उपेन्द्र साहले बताउनुभयो ।देवताल गाउँपालिकाको कार्यालय नीर भव्य पण्डाल लगाएर दुर्गा पूजा गर्न थालिएको मेला समितिले जानकारी दिएका छन् । बाजा गाजा सहित नगर परिक्रमा गरि पुनः पण्डाल बनाएको ठाउँमा परिणत भएको थियो ।

अर्को ठाउँमा पनि दुर्गा पूजा मनाउन थालिएको हो ।पहिला देखि सिदार्थ बैंक नीर पनि वडा नम्बर ४ /५ का स्थानीय बासीले पनि डोला निकालेका हुन ।धार्मिक क्षेत्रमा पनि अब राजनीति गन्ध मिसिएको स्थानीय बुद्धिजीवीहरुको भनाइ रहेको छ । पश्चिम टोलमा मनाउन थालिएको नव दुर्गा पूजा समितिका अध्यक्ष अवधकिशोर गिरी रहेका हुन ।पुर्व टोलका स्थानीय बासीले छुट्टै मनाउन थालेको भएपनि यसको रौनकतामा कुनै कमि नभएको नव दुर्गा मेला समितिले जानकारी दिएका छन् ।

दुवै समुहको नाम मिल्दोजुल्दो नै रहेको छ ।यसरी धार्मिक काममा पनि भागबन्डा सुरु गरेको देवताल गाउँपालिका वडा नम्बर -४ र ५ नम्बरका जनताले बुझ्नुपर्ने आवश्यकता रहेको स्थानीय समाज सेवीहरुको भनाई रहेको छ ।