गौशाला उद्योग वाणिज्य संघद्वारा आयोजित शुभकामना आदान प्रदान कार्यक्रममा व्यापारीहरु नआउदा अध्यक्ष चिन्तित

5 वर्ष पहिले प्रकाशित

(2078-07-05 B.S.)

2902 पटक देखिएको

निरन्जन साह
कार्तिक ५ ,गौशाला
महोत्तरीको गौशाला उद्योग वाणिज्य संघको आयोजनामा नेपालीहरुको महान चाडपर्व दशै, दिपावली तथा छठ पर्वको शुभकामना आदान प्रदान कार्यक्रम गौशाला पार्टी प्यालेशमा सम्पन्न भएको छ । गौशाला उद्योग वाणिज्य संघद्वारा शुक्रबार १ बजे संचालन हुने गरि आयोजना गरिएको कार्यक्रममा करिब ४ सय जनलाई निमन्त्रणा गरिएको थियो ।

उक्त कार्यक्रमको अध्यक्षता गौशाला उद्योग वाणिज्य संघका अध्यक्ष रामराजा प्रसाद साह गरेको थिए भने प्रमुख अतिथि नेपाली कांग्रेसका केन्द्रिय सदस्य कल्याण गुरुङ थिए । १ बजे कार्यक्रम आयोजना गरिएको थियो तर सोमा ५/७ जना अतिथिहरु साढे २ बजे उपस्थित भए ।

जसमा व्यापारीहरु उपस्थित नहुदा उद्योग वाणिज्य संघका अध्यक्ष चिन्तित भएका थिए । पछी ३ बजे करिब २०/२५ जनाको उपस्थितिमा कार्यक्रम संचालन भएको थियो । शुभकामना आदान प्रदानको क्रममा सबै वक्ताहरुले एउटै कुरा भनेका थिए “व्यापारीहरु उपस्थित नहुनुमा दोषी को छ ?व्यापारी या उद्योग वाणिज्य संघ । तर कम्तिमा व्यापारीहरु उपस्थित भएर यस कार्यक्रमलाई भव्य रुपमा संचालन गरेको भए आज लज्जास्पद हुनुपर्ने थिएन ।

त्यसैगरी गौशाला उद्योग वाणिज्य संघका सचिव रमेश यादवले भने“व्यापारीहरु तथा संघका सदस्यहरु उपस्थित नहुनुमा गौशाला उद्योग वाणिज्य संघको कमीकमजोरी देखिएको छ । एक त सदस्यहरुलाइ आसन ग्रहण गराएन अर्को यो हाम्रो व्यापारीहरुको संघ हो । व्यापारीहरुको कार्यक्रम हो । तर राजनीतिकर्मी प्रमुख अतिथि हुनु उद्योग वाणिज्य संघ व्यापारीहरुको नभएर पार्टीगत भएको भनेर आलोचना गरेका छन् ।

कार्यक्रमको अन्त्यमा अध्यक्ष रामराजा प्रसाद साहले उपस्थित भएका प्रमुख अतिथिको संघका सचिव यादवले अपमान गरेको भन्दै आपति जनाएका छन् ।
उद्योग वाणिज्य संघको भवनको शिलान्यास जसपाका नेता लक्ष्मी महतोले गर्दा हुने तर यस कार्यक्रममा प्रमुख अतिथि नेपाली कांग्रेसका नेता हुदा किन दुखि हुने भनेर उनले आलोचना गरेका छन् ।

पछी संघका अध्यक्ष र संघका सचिव रमेश यादव बीच एकआपसमा भनाभन समेत भएको थियो ।