गौशालामा १६ दिने लैङ्गिक हिंसा विरुद्धको अन्तिम दिनको अभियान सम्पन्न

4 वर्ष पहिले प्रकाशित

(2078-08-24 B.S.)

3727 पटक देखिएको

ममता शर्मा

महोत्तरीको गौशालामा १६ दिने लैङ्गिक हिंसाको अभियान शुक्रबार सम्पन्न भएको छ । गौशाला नगरपालिका वडा न.५ मा रहेको त्रिभुवन मा.वि.मा १६ दिने लैङ्गिक हिंसाको अभियान सफलतापुर्वक सम्पन्न भएको छ । अभियानको अन्तिम दिन विद्यालयका विभिन्न कक्षामा अध्ययनरत विद्यार्थीहरुको सहभागितामा र्याली समेत भएको थियो । गौशाला नगरपालिकाका सामाजिक सुरक्षा विकास शाखाका प्रमुख अस्मिता शर्माको नेतृत्वमा भएको र्यालीमा महिला हिंसा अन्त्य गर ,बिहेवारी २० वर्षपारि लगायतका नारा लगाइएको थियो । गौशाला बजारलाइ परिक्रमा गर्दै र्याली विद्यालयमा आएर कोणसभामा परिणत भएको थियो ।

सभालाई सम्बोधन गर्दै अधिकांस वक्ताले हिंसा अन्त्य गर्नको लागि व्यक्तिगत धारणा ,व्यवहार जस्ता कुरामा परिवर्तन ल्याउनुपर्ने र समाजको शैक्षिक स्तर उकास्नु जरुरि रहेको बताउदै आफ्नो विचार व्यक्त गरेका छन् ।

विद्यालयका प्रधानाध्यापक अमोध साहको अध्यक्षतामा सम्पन्न भएको उक्त कार्यक्रममा , सामाजिक सुरक्षा विकास शाखाका प्रमुख अस्मिता शर्मा,स्वास्थ्य शाखा प्रमुख राम प्रगास महतो ,न्यायिक समितिका कर्मचारी प्रकाश महरा ,सूचना अधिकारि रंजित वर्मा ,महिला विकास शाखा अधिकृत सौर्या साह ,शिक्षकहरु सुमित साह ,सुन्दर चौधरी ,रघुनाथ यादव ,सुनिल साह ,भोगेन्द्र महतो ,प्रमोद कुमार साह लगायत विधार्थीहरुको सहभागिता रहेको थियो ।