महोत्तरीमा प्रदेश स्तरीय पारालिगल समिति गठन

5 वर्ष पहिले प्रकाशित

(2078-09-08 B.S.)

4699 पटक देखिएको

ममता शर्मा

महोत्तरीमा प्रदेश न.२ स्तरीय पारालिगल समिति गठन कार्यक्रम सम्पन्न भएको छ । बुधबार बर्दिबास नगरपालिका स्थित पंचधुरा होटलमा नेत्रहीन महिला संघ नेपाल केन्द्रिय कार्यालयको आयोजनामा सम्पन्न समिति गठनमा सिमा नेपालको नेतृत्वमा ९ सदस्यीय समिति गठन भएको छ ।

प्रदेश न.२ का विभिन्न जिल्ला महोत्तरी ,बारा , पर्सा ,सर्लाही ,रौतहट ,धनुषा का गरि ३० जना नेत्रहीन महिलाहरुको संगठनमा तथा उपस्थितिमा उक्त समिति गठन गरिएको छ ।

समितिको अध्यक्षमा सिमा नेपाल ,उपाध्यक्ष कविता चौधरी ,सचिव तारा सिवाकोटी ,कोषाध्यक्ष प्रिती साह ,सह सचिवमा मनकेसी चौधरी सर्व सहमतिबाट गठन गरिएको छ । त्यस्तै सदस्यहरुमा परम दुलारी ठाकुर ,सामिया प्रविन ,सुनिता यादव ,शान्ति महरा रहेका छन् ।

यस संगठनले स्थानीय तहका नेत्रहीन तथा अपाङ्ग भएका महिलाहरुको शिक्षा ,स्वास्थ्य ,रोजगारी ,सशक्तिकरण ,न्यायमा पहुच गराउने कार्य गर्नुका साथै वकालत कैरवीका कार्यहरु गर्ने नेत्रहीन महिला संघ नेपालको महासचिव अनिता सिग्देलले जानकारी दिनुभएको छ ।

प्रदेश सभा सदस्य माननीय शारदा देवी थापाको प्रमुख आतिथ्यमा सम्पन्न उक्त कार्यक्रममा कार्य समिति सदस्य समिक्षा भट्टराई लगायत नेत्रहीन महिलाहरुको उपस्थिति रहेको थियो ।