चिसोको कारण गौशालाका दलित तथा विपन्न समुदाय विचलित अवस्थामा ,स्थानीय तहलाइ छैन कुनै चासो

समाज मधेश प्रदेश मुख्य समाचार

5 वर्ष पहिले प्रकाशित

(2078-09-18 B.S.)

3199 पटक देखिएको

ममता शर्मा

पुष १९

महोत्तरीको गौशालामा अत्याधिक चिसोको कारण गरिब , दलित तथा विपन्न परिवारहरु विचलित अवस्थामा परेका छन् ।

गौशाला नगरपालिका वडा न.५ स्थित रहेको मुसहर समुदायमा स्थानीय सरकारद्वारा कुनै किसिमको राहत तथा सहयोग प्रदान नभएपछी उनीहरु चिसोले कठ्याँग्रीन बाध्य भएका छन् । हप्ता दिन देखि घाम नलागेको अवस्थामा निकै जाडो महसुस भएपछी कुनै कार्य गर्न पनि सकस परेको एक स्थानीयले आफ्ना भनाइ राखेका छन् ।

ताप्नको लागि दाउराको अभाव र शरीरमा न्यानो कपडाको अभावको कारणले त्यहाँका समुदाय चिसोमा कुनै कार्य पनि गर्न नसक्ने भएपछी एक छाक टार्न पनि मुस्किल परिरहेको अवस्था सिर्जना भएको छ । गुनासो गर्दै स्थानीय लक्ष्मीनिया सदाले स्थानीय सरकारबाट कुनै पनि किसिमको सहयोग प्राप्त नभएको बताएकी छिन उनले भनिन, "प्रत्येक वर्ष गौशाला नगरपालिका अन्तर्गत रहेको गरिब तथा विपन्न परिवारलाइ लगाउनको लागि कपडा र आगो ताप्न दाउरा मिल्थ्यो तर यसपाली चिसो यस्तो विषम परिस्थितिमा आइसकेको छ, जनजीवन कष्टकर बनेको छ तर पनि स्थानीय सरकारलाइ कुनै मतलब छैन । करिब २ -३ वर्ष भैसक्यो सरकारले हामीलाई न त दाउरा वितरण गरेका छन् न त कपडा नै । जनताकै पैसामा मौज मस्ती गर्ने स्थानीय सरकारलाइ नै गरिब तथा विपन्नहरु प्रति कुनै चासो छैन । कुरा गर्ने मात्र ठुलो भन्या जस्तै भएको छ यहाँको स्थानीय सरकारको अवस्था । उनले भनिन् ।

जसमुदायलाइ आवश्यक परेको खण्डमा सहयोग नगरेर आफुलाई प्रचार प्रसारको आवश्यकता परेपछि मात्र दाउरा तथा कपडा वितरण गर्ने यस्ता सरकार गौशाला नगरपालिकाका गरिब तथा विपन्नहरुले झेल्नु दुखको कुरा रहेको अर्का एक स्थानीयले दुखसो पोखेका छन् ।