गौशाला नगरपालिकामा कोरोना विरुद्धको खोप अभियान संचालन

4 वर्ष पहिले प्रकाशित

(2078-09-30 B.S.)

5682 पटक देखिएको

निरन्जन साह

महोत्तरीको गौशाला नगरपालिकाले कोरोनको तेश्रो लहरबाट बच्नको लागि खोप अभियान संचालन गरेको छ ।

गौशालामा नगरपालिका अन्तर्गत फुलकाहा ,लक्ष्मीनिया ,निगौल ,बटौवा ,गौशाला ,र मदर्शाका जनसमुदायलाई कोभिड १९ विरुद्धको कोभिसिल्ड खोप लगाइएको हो ।

जसमा खोपको पहिलो डोज ७ सय ५१ जना र दोश्रो डोज ७७ जना गरि जम्मा ८ सय ६८ जनाले खोप लगाएका हुन् । खोप लगाउनेमा मुस्लिम समुदायका मानिसहरुको संख्या बढी रहेको जनस्वास्थ्य निरीक्षक मनोज कुमार सिंहले जानकारी दिएका छन् ।

त्यस्तै १८ वर्ष माथिका पहिलो मात्राको खोप लगाएका र खोप लिन छुटेका १८ वर्ष माथिका सबै व्यक्तिलाइ नगरपालिकाले कोभिड -१९ विरुद्धको भेरोसेल खोप अभियान संचालन गर्ने भएको छ । माघ ३ गते देखि ११ गते सम्म खोप अभियान संचालन हुने जनाइएको छ । जसमा इटाटार -३ मा रहेको म.स्वा.स्व .से.को घर (अम्बिका )मा ३ गते,नवराजपुर -३ मा रहेको आधारभूत स्वास्थ्य केन्द्रमा ४ गते,रजखोर-५ म.स्वा.स्व .से.को घर (सिता कोइराला )मा ५ गते,रजखोर-६ मा रहेको अशोक गाछी (सावित्री )मा ६ गते ,पानीटंकीमा ७ गते, म.स्वा.स्व .से.शिसभ चौधरीको घरमा ८ गते ,त्रिभुवन मा.वि. गौशालामा ९ गते ,आधारभूत स्वास्थ्य इकाई केन्द्र -५ मा १० गते र प्राथमिक स्वास्थ्य केन्द्र गौशालामा ११ गते अभियान संचालन हुने स्वास्थ्य निरीक्षक सिंहले जानकारी दिएका छन् ।