चोरीको तिन दिन बित्दा पनि समातीएन प्रहरीद्वारा चोर

5 वर्ष पहिले प्रकाशित

(2078-10-02 B.S.)

5020 पटक देखिएको

निरन्जन साह

माघ ०२

महोत्तरीको गौशाला नगरपालिकामा करिब एक बर्ष देखि निरन्तर रुपमा चोरि चपाटि बढेको छ । एक बर्षमा करिब १५-२० ओटा मोटरसाइकल चोरि भएको गौशालावासीबाट सुन्न सकिन्छ । यसरी गौशाला नगरपालिकामा यति चोरि हुदापनि प्रहरी प्रशासन मात्र नभएर नगरले पनि कुनै चासो देखाएको छैन । जनसमुदायको तथा स्थानीय स्तरको सुरक्षा प्रहरी प्रशासनको जिम्मा रहेतापनि नगरको अधिकांस क्रियाकलापमा यहाँको प्रहरी निकै निष्क्रिय रहेको एक व्यापारीले गुनासो गरेका छन् । चोरी,दुर्घटना तथा अन्य डरलाग्दो घटना घटीरहदा पनि प्रहरी प्रशासन मौन रहेको उनले गुनासो गरेका छन् ।

गौशाला नगरपालिकामा दर्जनौ सिसिटिभी क्यामेरा लागेको हुदापनि एउटा पनि चोरीमा संलग्न आरोपी समात्न प्रहरी सफल भएको छैन । यसले प्रहरीको सुरक्षामाथि प्रश्न खडा भएको छ ।

त्यसैगरी अर्को व्यापारीले भन्छन, "पुलिसले गाडी लगाएर सुतिरहेको हुन्छ । को आयो को गयो समेत जानकारी थाह हुदैन । त्यसैकारण गौशाला बजारमा सजिलैसंग चोरले चोरी गर्न सफल हुन्छ । एक वर्ष पहिला गौशाला बजारमा रहेको मिथिलाञ्चल कम्प्लेक्समा चोरि भएको थियो र करिव एक बर्ष न बित्दा फेरी सोहि पसलमा करिव २५ लाख बरावरको चोरि भएको छ र आहिले सम्म चोर समातिएको छैन । "