माघ ३ गते

महोत्तरीमा शंकास्पद रकम र इकागाज सहित एकजना पक्राउ परेका छन् ।  सोमबार प्रहरी चौकी भिठ्ठामोडबाट खटिएको प्रहरी टोलीले जिल्लाको जलेश्वर न.पा.वडा नं. ३ मलिवारा स्थितभिठ्ठामोड-जलेश्वर सडक खण्डमा नियमित चेक प्वाईन्टमा चेकजाँच गर्ने क्रममा भारतबाट नेपाल तर्फ आउदै गरेको बा.२१ च ६७६१ नं.को रातो रंगको कारलाईसंकास्पद अवस्थामा देखी चेकजाँच गर्ने क्रममा सो कारभित्र रहेका चालक सहितका २ जना मानिसहरुलाई प्रहरीले पक्राउ गरेको हो । 

उनीहरुलाइ प्रहरीले सोधपुछ गर्दा धनुषाको लक्ष्मिनिया गा.पा.वडा नं.१ बस्ने बर्ष २३ को असरफ मोहम्द र जनकपुर उप महानगरपालिका वडा नं.६ बस्ने बर्ष २६ को मोजाहिद रेजा भनि आ-आफ्नो नाम बताएका थिए शंका लागि चेकजाँच गर्दा सो कारको पछाडीको डिक्की भित्र रहेको कालो रंगको व्याग (झोला) खोली हेर्दा बाहिरी पट्टी नेपाली रु. १०००/- (एक हजार) दरको नोट र पछाडी पट्टी नेपाली रु.१०००/- को नोट समेत थान २ राखी नेपाली रु.१०००/-(एक हजार) को नोटको साईजको कटिङग गरेको ५ व्याण्डललाई रवरले बाँधी प्लाष्टिकमा प्याक गरी एउटै व्याण्डल बनाई कटिंङग गरेको कागज जम्मा ४५६ थान, बाहिरी पट्टी नेपाली रु. ५००/-(पाँच सय) दरको नोट र पछाडी पट्टी नेपाली रु.५००/- को नोट समेत  २ थानराखी नेपाली
रु.५००/-(पाँच सय) को नोटको साईजको कटिङग गरेको ९ व्याण्डललाई रवरले
बाँधी प्लाष्टिकमा प्याक गरी एउटै व्याण्डल बनाई कटिंङग गरेको कागज ४८५ थान, बाहिरी पट्टी नेपाली रु. ५००/-(पाँच सय ) दरको नोट र पछाडी पट्टी नेपाली रु.५००/- को नोट समेत थान २ राखी नेपाली रु.५००/-(पाँच सय) को नोटको साईजको कटिङग गरेको ९ व्याण्डलमा रवरले बाँधी प्लाष्टिकमा प्याक गरी एउटै व्याण्डल बनाई कटिङग गरी राखेको कागज ५१५ थान, बाहिरी पट्टी नेपाली रु. १००/-(एक सय ) दरको नोट र पछाडी पट्टी नेपाली रु.१००/- को नोट समेत थान २ राखी नेपाली रु.१००/-(एक सय) को नोटको साईजको कटिङग गरेको ९ व्याण्डललाई रवरले बाँधी प्लाष्टिकमा प्याक गरी एउटै व्याण्डल बनाई कटिंङग गरी राखेको कागज ६५० थान  बरामद भएको छ । 
साथै उनीहरुले खोटा मुद्रा तयार गर्नको लागी नेपाली नोट रु.१०००/-(एक हजार), रु.५००/-(पाँच सय) र रु.१००/-(एक सय) दरका नोटको साईजको कटिङग गरेको कागज समेत बरामद भएको छ उनीहरु सवार  बा.२१ च ६७६१ नं.को रातो रंगको Nexon कार समेत नियन्त्रणमा लिई  मिति २०७८/१०/०३ गते सम्मानित महोत्तरी जिल्ला अदालत जलेश्वरबाट “ मुद्रा सम्बन्धी कसुर ” मुद्दामा दिन ५ (पाँच) म्याद थप गरी थप अनुसन्धान भई रहेको जिल्ला प्रहरी कार्यालय महोत्तरीले जनाएको छ ।