जिज्ञासा कार्यक्रमको बिजेता भइन पिंकी पासवान

4 वर्ष पहिले प्रकाशित

(2078-11-28 B.S.)

6255 पटक देखिएको

ममता शर्मा

गौशाला ,फाल्गुन

आज रेडियो जुनतारा १०३.४ मेगाहर्जबाट हप्ताको एकदिन शनिवार प्रसारण हुने कार्यक्रम जिज्ञासाको बिजेता पिंकी कुमारी पासवान भएकी छिन ।

औरही नगरपालिका वडा न. ४ कठुधार बस्ने नगिना देवी र वृहस्पति पासवानकि छोरी पिंकी पासवान (कक्षा ९ अध्ययनरत ) ले आज रेडियो जुनताराको कार्यक्रम जिज्ञासामा रेडियोमा प्रत्यक्ष उपस्थित भइ कार्यक्रममा सोधिएका प्रश्नहरुको उत्तर दिएर बिजेता भएका छन् । त्यस्तै गौशाला ३ नवराजपुर बस्ने जानकी देवी र श्री प्रसाद महतोका छोरा उदय कुमार महतो (व्याचलर अध्ययनरत ) दोश्रो भएका छन् ।

रेडियो जुनताराको अध्यक्ष श्री निरन्जन कुमार साह ज्यूको हातबाट पिंकी पासवानले नगद रु १५०० र प्रमाण पत्र प्राप्त गरेकी छिन् ।त्यस्तै उदय महतोले प्रमाण पत्र सहितको सम्मान प्राप्त गरेका छन्

रेडियो जुनतारामा प्रत्येक हप्ताको शनिवार जिज्ञासा कार्यक्रम मार्फत श्रोताहरुलाई सामान्य ज्ञान सम्बन्धि प्रश्नोत्तर सोधिने र सहि उत्तर दिने बिजेताहरुलाई महिनाको अन्तिम शनिवार रेडियोमा उपस्थित गराई प्रश्नोत्तर गरि बिजेता हुनेलाई प्रमाण पत्र सहित उल्लेखित नगद प्रदान गरिने यो कार्यक्रम संचालन हुदै आएको छ ।

जसमा सोधिएका प्रश्नहरुमध्य १ देखि ३ सम्मको सहि उत्तर दिने रु. ५००,४ देखि ७ सम्मको सहि उत्तर दिनेलाइ रु.१००० ,८ देखि ११ सम्मको सहि उत्तर दिनेलाइ रु.१५०० र १२ देखि १५ सम्मको सहि उत्तर दिनेलाइ रु.५००० रकम र संयुक्त रुपमा प्रमाण पत्र प्रदान गरिन्छ ।

पिंकी पासवानले ९ ओटा प्रश्नको जवाफ दिएकोले उनि रु.१५०० नगदबाट पुरस्कृत भएकी हुन् ।

त्यस्तै कार्यक्रमकोको बारेमा बोल्दै बिजेता पासवानले भनिन, "यस कार्यक्रमले विद्यार्थी तथा लोक सेवा आयोगको लागि तयारि गरिरहनु भएका व्यक्तिहरुलाइ महत्वपूर्ण सहयोग पुर्याएको छ र यो कार्यक्रम कहिले पनि बन्द गर्नु हुदैन चलीरहनुपर्छ । जसले समाजमा जनचेतना सँगसँगै मानसिक वृद्धिमा पनि विकास गर्न मदत गरको छ । "

रेडियो जुनतारालाई धन्यबाद ज्ञापन गर्दै उनले पुरस्कार प्रति खुसि र आभार व्यक्त गरेकी छिन ।