चौथो वर्ष पार गरि पाचौ वर्षमा रोटरी क्लव प्रवेश

समाज मुख्य समाचार

3 वर्ष पहिले प्रकाशित

(2079-03-16 B.S.)

3799 पटक देखिएको

Niranjan Kumar Sah

निरन्जन कुमार साह

गौशाला ,असार १६

रोटरी क्लव वर्दिवास आज चौथो वर्ष गरि पाचौ वर्षमा प्रवेश गरेको छ । सो अवसरमा रोटरी क्लव वर्दिवासको आयोजनामा वर्दिवास स्थित गौतम होटलमा जोइन्ट हयान्डोभर तथा इन्डक्सन सेरोमणि मनाइएको छ ।

क्लवका पुर्वअध्यक्ष विष्णु खड्काको अध्यक्षतामा सम्पन्न उक्त कार्यक्रममा प्रमुख अतिथि मधेश प्रदेश सभा सदस्य माननीय शारदा देवी थापा, विशिष्ट अतिथि नगर प्रमुख प्रहलाद कुमार क्षेत्री लगायत क्लवका सदस्यहरु ,वर्दिबास नपाका विभिन्न वडाका वडा अध्य्क्षहरु लगायत विभिन्न समाजसेविहरुको उपस्थिति रहेको थियो ।

आजसम्मका परिस्थितिमा आइ पुग्दा रोटरी क्लवका विभिन्न ठाउमा २ सय ओटा शाखाहरु संचालनमा रहेको छ ।

यस क्लवले सुरुवाति कालदेखि समाज सेवाका विभिन्न कार्यहरु गरेका संघका पुर्वअध्यक्ष खड्काले जानकारी दिएका छन् । उनले भने , “कोभिड महामारीको समयमा अग्रपंतिमा रहेर स्वास्थ्य सामाग्रीहरुको जनसमुदायमा यस क्लवले पहुच गराएको छ । त्यति मात्र नभएर समय सापेक्ष वृक्ष रोपन , विरुवा रोपन , सरसफाई कार्यक्रम, लागुऔषध सम्बन्धि जनचेतना मुलक कार्यक्रम, जेष्ठ नागरिकहरुलाई सम्मान , विभिन्न विद्यालयहरुमा छात्र छात्राहरुलाई शैक्षिक सामग्रिहरु साथै सेनीटरी प्याड वितरण लगायत आजसम्मका दिनमा विभिन्न सामाजिक क्रियाकलाप यस क्लवले गरेको छ ।"

कार्यक्रममा क्लवका सदस्यहरुलाई प्रशंसा तथा सम्मानपत्र समेत प्रदान गरिएको छ । नगर प्रमुखलाइ क्लबले मायाको चिनो प्रदान गरिएको छ ।

त्यस्तै आज क्लबको नयाँ अध्यक्षको रुपमा विजय कुमार महतो चयन भएका छन् ।

कार्यक्रममा नगर प्रमुख क्षेत्रीले क्लबलाइ समाज सेवाका हरेक कार्यमा सक्दो सहयोग गर्ने प्रतिबद्धता व्यक्त गरेका छन् ।

यस क्लबले हैसियत भन्दा एक कदम आगाडी सोचेर कार्य गर्ने गरेको सभा सदस्य शारदा देवी थापाले बताउनुभयो । प्रत्येक नगरपालिकामा एउटा रोटरी क्लवको आवश्यकता रहेको उहाले औल्याउनुभयो ।