ममता शर्मा

गौशाला , कार्तिक १ गते 

मङ्सिर ४ गते हुन गईरहेको प्रतिनिधि तथा प्रदेश सभा सदस्यको निर्वाचनको महोत्तरीमा चहल पहल सुरु भएको छ । प्रत्येक ५ वर्षमा हुने यो निर्वाचन देशको भौतिक ,आर्थिक ,सामाजिक आदि विकासको लागि हुने गरेको छ । तर जति नै चुनावबाट निर्वाचित भएर जनप्रतिनिधि फेरीए पनि जनताको समस्या समाधान हुन सकेको छैन । चुनाव आउदै गरेकोले चुनावी भोज खानेहरु उत्साहित छन् तर किसान आफ्नो विभिन्न समस्या समधान हुन नसकेकोले चिन्तित छन् ।

किसानको समस्या ,शिक्षाको समस्या ,सडक तथा अन्य भौतिक कुराको निर्माण लगायतका जनताको समस्या अहिले सम्मको अवस्थामा पनि समाधान हुन नसेकोले जनप्रतिनिधिहरु माथि जनताको विश्वास कायम हुन नसकेको हो ।

अहिले किसानहरुले लगाएको धानवाली काट्ने समय आएको छ । तर महिनौ देखि मेहनत गरेर राम्रो उब्जनी हुने आश राखेका गौशाला -५ का किसान रामचन्द्र साह धानको उब्जनीमा कमि आउने निश्चित भएपछि चिन्तित छन् । धानबालिमा हाल्नुपर्ने रासायनिक मल ,खाद्य समयमा उपलब्ध नहुदा धानको उब्जनी मात्रामा कमि आउने उनि बताउछन् ।  

त्यस्तै सोनमा गाउँपालिका वडा न.२ तरहारीका किसान अनिल यादव पनि किसानले आफ्नो मेहनत गरे अनुसारको फल कहिल्यै पाउन नसकेको गुनासो गर्छन । उनले प्रत्येक वर्ष २ बिघा जमिनमा धान उब्जनी गर्ने गरेका छन् । तर अघिल्लो वर्ष झैँ यसपाली धान उब्जनी नहुने पक्का रहेको उनि बताउछन् । वर्षौदेखि म खेतीपाती गरिरहेको छु , उनि भन्छन, “यसपाली पनि ४० कठ्ठा खेतमा धान लगाएको छु ।पछिल्लो वर्षहरुमा कठ्ठाको ४ मनको दरले उब्जनी हुने गरेको थियो । यसपाली कठ्ठाको २ मन पनि उब्जनी हुने छैन ।“

समयमा खाद्यमल ,सिचाईको व्यवस्थापन हुन नसकेकोले यसपालीको धान उब्जनीले फाइदा नहुने भन्दै उनले दुख व्यक्त गरेका छन् ।

यसरी किसानको समस्याको समाधान गर्ने भनेर प्रत्येक उम्मेदवारले बाचा गर्छन तर निर्वाचित भएर आएपनि जनताको समस्या समाधानको चासो कसैले दिन नसकेको गौशालाका अर्का एक किसान गोपाल ठाकुरले गुनासो गरेका छन् । किसानको समस्या मात्र नभएर जनसमुदायको हरेक क्षेत्रको विकास जसले गर्न सक्छ ,जो सक्षम ,योग्य ,निस्वार्थी ,समाजसेवी छ, सोहि व्यक्तित्वलाई आउदो चुनावमा भोट दिनुपर्नेमा कुनै दुइ मत नभएको ठाकुर बताउछन ।