महिला हिंसा विरुद्ध कार्यक्रम सम्सी गाउँपालिकामा सम्पन्न

समाज मधेश प्रदेश मुख्य समाचार

3 वर्ष पहिले प्रकाशित

(2079-08-23 B.S.)

4079 पटक देखिएको

Niranjan Kumar Sah

निरन्जन कुमार साह

गौशाला , मङ्सिर २३ गते

महोत्तरी । महिला हिंसा बिरुद्धको कार्यक्रम १६ दिने अभियान अन्तर्गत आज सम्सी गाउँपालिकामा सम्पन्न भएको छ । शुक्रबार आयोजना गरिएको कार्यक्रममा सम्सी बजारभरि महिला हिँसा बिरुद्धको ठुलो र्याली निकालिएको थियो । र्यालीमा संदेश तथा जनचेतनामुलक नारा बाजी गरिदै सम्सी गाउँपालिका कार्यालय अगाडी कोण सभामा परिणत भएको थियो ।

कार्यक्रममा गाउँपालिका अध्यक्ष रामनाथ यादव, कार्यालय प्रमुख गणेश चन्द्र मिस्र, गाउँपालिका उपाध्यक्ष लगायत स्वयंसेविकाहरुको उपस्थित रहेको थियो ।

कार्यक्रममा महिला हिंसा विरुद्धमा वक्ताहरुले आफ्नो विभिन्न बिचार राखेका थिए ।

त्यस्तै गाउँपालिका अध्यक्ष यादवले महिला हिंसालाई जीवनको घातक रोगले संज्ञा दिएका छन् । महिला हिंसा हाम्रो जीवन को ठुलो घातक रोग हो, उनले भने, "यसलाइ जरै देखि निर्मुल गर्नुपर्छ । यसले हाम्रो समाजलाइ बिस्तारै यो रोग ग्रसित गर्दै गइरहेको छ । महिला हिंसालाई रोक्न सबभन्दा पहिला महिलाहरुलाइ शिक्षा दिनुपर्छ र पुरानो रुढीबादी परमपरालाइ अन्त्य गरि महिलालाई अधिकार सम्पन्न बनाउनु पर्छ।"

जबसम्म महिला शिक्षित हुदैन तबसम्म यो हिंसा अन्त्य नहुने र यसलाई अन्त्य हामी सबै लागि पर्नुपर्ने उनको भनाइ छ ।