अत्यधिक चिसो बढेसँगै महोत्तरीमा जनजीवन प्रभावित

3 वर्ष पहिले प्रकाशित

(2079-09-18 B.S.)

2116 पटक देखिएको

ममता शर्मा
महोत्तरी , पुष १८ गते ।

महोत्तरी अलगायत आसपासका जिल्लाहरुमा अचानक चिसो बढेको छ । आज बिहानै देखि सितलहर चल्नुको साथै हुस्सु लागेको तथा अत्याधिक चिसो बढेको यहाँका स्थानीयवासीले महशुस गरेका छन् । चिसो बढेसँगै तराईका जिल्लाहरुको जनजीवन प्रभावित बनेको छ । जाडोका कारण बृद्ध बृद्धा,बालवालिका तथा दमका रोगीहरु सबै भन्दा बढी प्रभावित हुँदै आएका छन् ।

शितलहरका कारण गौशाला बजारमा आज बिहानै देखि चहल पहल कम भएको छ । काम बिशेषले गौशालामा आसपासका क्षेत्र तथा जिल्लाहरुबाट आउने ग्राहक तथा व्यापारीहरु समेत आज नआएको गौशाला -५ का एक व्यापारीले बताए ।

स्थानीय सरकारले चौक चौकमा गर्ने आगोको व्यवस्थापनको पर्खाइमा यहाँका वासिन्दा रहेको गौशाला -१ रामनगरले विपिन साहले जानकारी दिए ।

चिसो बढे पनि महोत्तरी केहि पालिकाहरुको संस्थागत तथा सरकारी विद्यालयहरु संचालनमै रहेको छ । जाडोका कारण बिद्यालय पुगेका विधार्थीहरुको पठन पाठन समेत प्रभावित भएको छ । ग्रामिण ईलाकाका स्कुलहरुमा विद्यार्थीहरुको उपस्थिती न्युन रहेको छ ।

चिसोबाट बच्न सजगता अपनाउँने पर्ने तथा खासगरी बालवालिका र बुढापाखाहरुलाई बढी ध्यान दिनु पर्ने चिकित्यसहरुको सल्लाह छ । न्यानोगरी वस्ने,पोषिलो खाना, मन तातो झोलियो पदार्थ खाने तथा खुल्ला अकाशमुनी नबस्ने चिकित्सकहरुको राय छ ।