लक्ष्मी महतो र रेशम चौधरीमाथि लगाइएको मुद्धा झुटो रहेको भन्दै बर्दिवासमा प्रदर्शन

3 वर्ष पहिले प्रकाशित

(2079-10-25 B.S.)

3932 पटक देखिएको

ममता शर्मा

महोत्तरी , माघ २५ गते ।

महोत्तरीमा लक्ष्मी महतो र रेशम चौधरीमाथि लगाइएको मुद्धा झुटो रहेको भन्दै प्रदर्शन भएको छ । जिल्लाको बर्दिवास नगरपालिका १ स्थित नागरिक समाज बर्दिवास , महोत्तरीका बिभिन्न सदस्यहरुले प्लेकार्ड सहित चर्को नाराबाजी गर्दै प्रदर्शन गरेका हुन् ।

भर्खरै सम्पन्न प्रतिनिधि तथा प्रदेश सभाको निर्वाचनमा महोत्तरीको क्षेत्र न.२ मा प्रतिनिधि सभा सदस्यमा निर्वाचित लक्ष्मी महतोको पक्षमा प्रदर्शन भएको हो ।

सयौको संख्यामा सहभागी प्रदर्शनकारीहरुले महतो र चौधरीमाथि लगाइएको झुटो मुद्धा खारेज गर्नु पर्ने ,झुटो मुद्धा लगाउने षड्यन्त्र बन्द गर्नुपर्ने ,निर्दोष मधेशी थारु माथिको दमन बन्द गर्नुपर्ने भन्दै प्रदर्शन गरेका छन् ।

२०७२ भदौ २५ गते जलेश्वरमा सशस्त्र प्रहरीका सहायक निरीक्षक (असई) थमन विकको बीभत्स हत्या कोइरीकै अगुवाइमा भएको आरोप छ । त्यतीबेला असई विक सीमा सुरक्षा कार्यालय जलेश्वरमा कार्यरत थिए । झडपमा घाइते भएका विकलाई उपचारका लागि जनकपुर लैजाने क्रममा एम्बुलेन्सबाट थुतेर निकाली धानखेतमा लखेटीलखेटी हत्या गरिएको थियो । उनको हत्यामा अगुवाइ गरेको आरोप लक्ष्मी महतोमाथि छ । त्यताका उनी मधेशी जनअधिकार फोरमका नेता थिए ।

असई विकको हत्या मुद्दामा जिल्ला अदालत महोत्तरीले २०७६ असोज २ कोइरीलाई १ लाख धरौटीमा छाड्न आदेश दिएको थियो। जसलाई उच्च अदालत पाटनको २०७७ मंसिर १९ गतेको आदेशले उल्टाएको थियो । जसमा महतोलाई थुनामै राखेर मुद्दा अगाडि बढाउन भनिएको थियो। त्यसपछि कोइरी फेरि फरार भएका हुन् । मुद्दा महोत्तरी अदालतमा विचारधीन छ । साथै भर्खरै बितेको चुनावमा कोइरी महोतरी-२ बाट निर्वाचित भएका हुन्।