गौशालाका गंगा ठाकुरले बंगुर फर्मबाट लाखौं कमाउदै

3 वर्ष पहिले प्रकाशित

(2080-02-20 B.S.)

5176 पटक देखिएको

मनिषा शर्मा
महोत्तरी , जेठ २० गते

महोत्तरीको गौशाला नगरपालिका वडा न .४ निवासी गंगा ठाकुरले बंगुर फर्मबाट महिनाको लाखौं आमदानी गर्ने गरेका छन । ठाकुरको बंगुर फर्ममा अहिले ७२ ओटा बंगुर राखिएको छ ।

यो भन्दा पहिला ठाकुर खाडी मुलुकमा मासिक एक लाख कमाइरहेका थिए । तर जति कमाएपनि अरुको देशमा अरुकै इसारामा काम गर्नु भनेको सजिलो नभएको उनि बताउछन् । उनि भन्छन , 'विदेशमा न समय मा खाना हुन्थ्यो न त आराम नै । घरपरिवारलाइ छोडेर अरुको देश मा बस्नु भनेको धेरै नै गार्हो हो । करिव पाँच वर्ष पछी आफ्नै देश फर्किए र ठाकुर कृषि तथा बंगुर पालन फर्म संचालन गरे मैले ।'

अहिले बंगुर फार्मले घर परिवार चलाउन सहज भएको र छोरा छोरीलाइ पठन पाठन गराउन पनि कठिनाइ नभएको ठाकुरले बताए । उनले भने, 'अहिने बंगुर बेचेर महिनाको लाख जति आरामले आम्दानि गर्न सफल भएको छु । फार्ममा प्रशस्त मात्रामा बंगुर पनि छ । म र मेरो परिवार सबै मिलेर बंगुरलाइ पालन पोशनमा जुटेका छौ ।'

बंगुरले सालमा २ पल्ट बच्चा जन्माउने गर्छन । एउटा बंगुरले एक चोटीमा १५ देखि १८ वटा सम्म बच्चा जन्माउने गर्दछन । ४ /५ महिनाको एउटा बंगुरको बच्चा करिब पाँच हजार देखि लिएर आठ हजार सम्ममा बिक्ने गर्दछन ।

जस सन्तुष्ट ठाकुर भन्छन , 'विदेश हैन स्वदेश नै राम्रो छ । यदि हामीले चाह्यौ आफ्नै देशमा यस्तो खालका अनेक व्यवसाय गरेर लाखौ कमाउन सक्छौ । तर यहाँको युवाहरुमा त्यो जोस जागरण छैन । अरुको देशमा गएर मिहिनेत गर्नु भन्दा आफ्नै देशमा मिहिनेत गरेर बस्नु पर्छ ।

केहि वर्ष पहिला ऋणमा डुबेका ठाकुर अहिले बंगुर पालनबाट निकै लाभान्वित भएको बताउदै आफ्नो सम्पूर्ण आर्थिक समस्याहरुको समाधान भएको बताउछन् । साथै उनि यसरि नै मधेशका युवाहरु स्वदेशमै मेहनत गर्न अनुरोध पनि गर्दछन ।