औरहीमा माटोमै ढलान गर्न थालेपछी स्थानीयले गरे अवरोध (भिडियो सहित )

मधेश प्रदेश मुख्य समाचार

3 वर्ष पहिले प्रकाशित

(2080-02-29 B.S.)

39001 पटक देखिएको

Niranjan Kumar Sah

निरन्जन कुमार साह

महोत्तरी , जेष्ठ २९ गते

मधेश प्रदेशको प्रदेश स्तरीय बजेटबाट महोत्तरीको औरही नगरपालिका १ स्थित पालिका कार्यालय संगै जोडिएको सडक ढलान कार्यमा स्थानीय जनसमुदायले विरोध गरेका छन् ।

सडक ढलान कार्य गुणस्तरहीन भएको , मापदण्ड विपरित भएको र प्राविधिक परिक्षण नगरिकन कार्य गर्न लागेको भन्दै असन्तुष्ट जनसमुदायले अवरोध गरेका हुन् ।

उक्त काम गुणस्तरीय नहुने भन्दै स्थानिय आक्रोशित भएपछी काम सुरु भएको केहि बेरमै सडक ढलान स्थगित भएको छ । ग्राभेल नराखी सिधै माटोमा ढलान मेसिनले मसला खन्याउन थालेपछि गाउँले सबै मिलेर काम रोकाएको स्थानीय नथुनी ठाकुरले जानकारी दिए ।

मधेस प्रदेश अन्तर्गत भौतिक पुर्वाधार मन्त्रालयको ५० लाख ससर्त अनुदानमा बन्न लागेको ८ इन्चको ढलान हुने जानकारी दिएपनी नगरपालिका संग कति मिटर सडक ढलान गर्ने यकिन जानकारी छैन । औरही नगरपालिकाका इन्जिनियर सन्तोष कुमार यादवले नगरपालिका संगै जोडिएको सडक कति मिटर लम्बाइ ढलान हुन्छ भनेर यकिन नभएको बताए ।

ग्राभेल बिछ्याउने, रोलर चलाउने, लेभल मिलाएर गुणस्तरीय सामाग्री प्रयोग गरि आठ इन्चिको ढलान गर्नुपर्ने स्थानीयको माग छ । ढलान कार्य सम्बन्धित निकायको निगरानी नभएकोले भ्रष्टाचार गर्ने नियतिले काम गरेको आरोप एक स्थानियले लगाएका छन् । "कुनै पनि विकास निर्माणको कार्य हुँदा त्यहाँ प्राविधिक कर्मचारी हुन्छ तर यहाँ न सम्बन्धित निकायको कर्मचारी छ नत प्राविधिक कर्मचारी नै छ, उनि भन्छन, "त्यसैले यो काम हामी हुन दिदैनौ ।"

उपभोक्ता समितिका अध्यक्ष बरुण सुवेदीले योजना अनुसार नै काम भएको प्रतिक्रिया दिए योजना बारे सबै जानकारी बोर्डमै राखेर काम गराउने योजना रहेपनी बोर्ड प्रीन्ट गराउन दिएको उनले जनाए ।

निर्माण क्षेत्रमा जङ्गाहा खोलाको बालुवा प्रयोग गर्न स्वीकृति नभएता पनि सोही खोलाको बालुवा ल्याएर ढलानमा प्रयोग गरेको स्थानियले बताएका छन ।

जिल्ला समन्वय समितिका सभापति सुमन कर्णले जंगहा खोलाको बालुवा गुणस्तरीय नभएको र आज सम्म कुनै पनि कार्यमा प्रयोग नभएकोले उक्त बालुवा प्रयोग गर्न नहुने बताए ।