जनता बहुमुखी क्याम्पसको अध्यक्षमा भरत हमाल

2 वर्ष पहिले प्रकाशित

(2080-03-03 B.S.)

3638 पटक देखिएको

महोत्तरी

बर्दिवास जनता बहुमुखी क्याम्पसको शनिवार भएको निर्वाचनमा भरत हमाल निर्वाचित भएका छन् । क्याम्पस व्यवस्थापन समितिको अध्यक्ष सहित कार्यसमितिका लागि भएको निर्वाचनमा ५३ मतान्तरले हमाल निर्वाचित भएका हुन् । हमालले १ सय २२ मत प्राप्त गरि विजयी भएका निर्वाचन समितिका संयोजक दिलीप तिवारीले जानकारी दिए ।

हमालसंग प्रतिष्पर्धामा रहेका निकटतम प्रतिद्धन्दि गुन्ज बहादुर खड्काले ६९ मत प्राप्त गरेका निर्वाचन समितिले जनाएको छ । त्यस्तै उपाध्यक्षमा १ सय १ मत प्राप्त गरि यूवराज अधिकारी (प्रदिप) विजयी भएका छन् भने उनका प्रतिद्धन्दी श्याम खड्काले ८७ मत प्राप्त गरेका छन् ।
सदस्यहरुमा १ सय १२ मत प्राप्त गर्ने बिनिता राई,१ सय ११ मत प्राप्त गरि सन्त परियार,१ सय ११ मत प्राप्त गरि धन नारायण श्रेष्ठ,९५ मतका साथ राम नरेश महतो,१सय १ मत सहित दान बहादुर थापा विष्णु,१ सय ५ मत प्राप्तगर्ने शम्भु प्रसाद भट्टराई,९० मत सहित हेम सागर वाग्ले,१ सय १७ मत प्राप्त गर्ने शेखर प्रसाद पौडेल र ९७ मत प्राप्त गरि खड्ग बहादुर सिंह विजयी भएका निर्वाचन समितिले जनाएको छ ।

हाल सय १० जना प्राज्ञ सदस्य रहेको क्याम्पस व्यवस्थापन समितिको निर्वाचनमा १ सय ९२ मत खसेको थियो । ११ जनाको कार्यसमितिका लागि भएको निर्वाचनमा दुईवटा प्यानलबाट २२ जनाले उम्मेदवारी दिएका थिए । हाल निर्वाचित अध्यक्ष हमाल बर्दिवास वडा नं १४ का निवर्तमान अध्यक्ष हुनुहुन्थ्यो भने निकटतम प्रतिद्धन्दि खड्का क्याम्पस व्यवस्थापन समितिको निवर्तमान अध्यक्ष हुनुहुन्थ्यो।