गौर घटनाको षड्यन्त्रपूर्ण निर्णय विरुद्ध गौशालामा जसपाले गर्यो प्रदर्शन

6 महीना पहिले प्रकाशित

(2082-05-08 B.S.)

470 पटक देखिएको

महोत्तरी, भदौं ८ गते ।

महोत्तरीको गौशालामा गौर घटनाको षड्यन्त्रपूर्ण निर्णय विरुद्ध जनता समाजवादी पार्टी जसपाले आइतबार प्रदर्शन गरेको छ । नेपाल सरकारले ल्याएको भुमि विधेयक जन विरोधी विधेयक रहेको भन्दै यसको खारेजी माग गर्दै जसपा गौशाला नगर कमिटिका नेताहरुले प्रदर्शन गरेका हुन् । अव्यवस्थित रुपमा जग्गा जमिन वितरण गर्ने उद्देश्यले यो विधेयक वर्तमान सरकारले ल्याएको आरोप जसपाका नेताहरुको छ । मधेशको मठमन्दिर सरकारी जग्गा पर्ती जग्गा यस विधेयक मार्फत आफ्नै मनमर्जीले वितरण गर्ने सरकारको मनसाय रहेको भन्दै यसको विरोध जनाइएको छ ।

प्रदर्शनमा भ्रष्ट सरकार मुर्दावाद, निर्दोष आन्दोलनकारीहरुलाई फसाउन पाइदैन लगायत लेखिएको प्लेकार्ड बोकेर प्रदर्शन गरिएको छ ।

यसअघि सर्वोच्च अदालतका न्यायाधीश तिलप्रसाद श्रेष्ठ र नित्यानन्द पाण्डेयको संयुक्त इजलासले २०६३ साल चैत ७ गते रौतहटको गौरस्थित राइस मिल चौरमा भएको हत्याकाण्डको पुनः अनुसन्धान गर्न रौतहट प्रहरीले छानबिन अघि बढाउन परमादेश दिएको थियो। गौर हत्या काण्ड लगायत मधेशका आन्दोलनहरुमा निर्दोष आन्दोलनकारीहरु माथि सरकारले षड्यन्त्र रचेर फसाउने कार्य प्रति विरोध गर्दै प्रदर्शन गरेको जसपाका नेता रमेश महतोको भनाई छ ।