रेडियो जुनतारा सातौँ वर्षमा प्रवेश

5 महीना पहिले प्रकाशित

(2082-06-01 B.S.)

578 पटक देखिएको

ममता शर्मा, महोत्तरी ।

महोत्तरीको गौशाला नगरपालिका–५ मा अवस्थित रेडियो जुनतारा आजबाट छैठौं वर्ष पार गरेर सातौँ वर्षमा प्रवेश गरेको छ। उज्यालो नेपाल संस्थाद्वारा सञ्चालित यो एफ.एम. रेडियो पछिल्लो छ वर्षदेखि निरन्तर रूपमा सेवा प्रवाह गर्दै आइरहेको छ।

स्थानीय स्तरमै स्थापित भए पनि जिल्लाभरका श्रोतामाझ लोकप्रिय बन्न सफल रेडियो जुनताराले सुरुदेखिनै सत्य, तथ्य र सन्तुलित समाचारप्रति प्राथमिकता दिंदै आएको छ। सामुदायिक सरोकार, सूचना र मनोरञ्जनका विविध कार्यक्रमहरू प्रस्तुत गर्दै आएको यस रेडियोले विशेषगरी ग्रामीण भेगका जनताको आवाजलाई प्राथमिकताका साथ प्रशारण गर्दै आएको छ।

रेडियो जुनतारासँगै उज्यालो नेपाल संस्थाले "गौशाला खबर" नामक दैनिक पत्रिका पनि सञ्चालन गर्दै आएको छ, जसले प्रिन्ट मिडियामार्फत सूचनाको पहुँचलाई अझ विस्तार गरेको छ।

रेडियोका सञ्चालक तथा संस्थाका अध्यक्ष निरन्जन कुमार साहले सातौँ वर्ष प्रवेशको अवसरमा सम्पूर्ण रेडियोप्रेमी, श्रोता र पाठकहरूलाई धन्यवाद दिँदै शुभकामना व्यक्त गर्नुभएको छ। उहाँले भावी दिनमा अझ प्रभावकारी, जिम्मेवार र जनमुखी संचारको अभ्यास गर्दै जाने प्रतिबद्धता समेत व्यक्त गर्नुभएको छ।

यस अवसरमा रेडियो परिवारले एकता, निरन्तरता र सेवाको भावनालाई अझ सुदृढ बनाउने प्रण गरेको छ।