माघ १ गते देखि गौशाला न.पा.को आयोजनामा योग सिविर संचालन हुने

5 वर्ष पहिले प्रकाशित

(2077-09-26 B.S.)

4380 पटक देखिएको

पुष २६ ,गौशाला

माघ १ गते देखि गौशाला नगरपालिकाको आयोजानामा योग सिविर संचालन हुने भएको छ । जसको संचालनको लागि आज गौशाला नगरपालिकाको पुरानो भवनमा अन्तरक्रिया कार्यक्रम सम्पन्न भएको छ ।

गौशाला नगरपालिकाको नगर प्रमुख शिवनाथ महतोले अध्यक्षता गरेका उक्त कार्यक्रममा प्रमुख अतिथि पुर्व शिक्षा विज्ञान तथा प्रविधि मन्त्रि गिरिराजमणि पोखरेल, विशिष्ट अतिथि प्रदेश २ का सांसद भरत प्रसाद साह ,उपप्रमुख आशा लामा,१२ वटै वडा का वडा अध्यक्ष ,समाज सेवी ,बुद्धिजीवी लगायतको उपस्थिति रहेको थियो ।

कोरोना महामारी जस्ता डरलाग्दो रोगहरुबाट बच्नको लागि योग महत्वपूर्ण भएकोले यो सिविर संचालन गर्न लागिएको जनाइएको छ ।

जसबाट सम्पूर्ण गौशाला नगरपालिकाको वासिन्दालाइ लाभ हुने जनाइएको छ । यहाका स्थानीय वासिन्दालाई योग सिकाएर दक्ष प्रशिक्षक उत्पादन गर्ने यस सिविरको प्रमुख उदेश्य रहेको छ ।

कार्यक्रममा प्रमुख अतिथि पुर्व शिक्षा मन्त्रीले आफ्नो धारणा राख्दै भने ' गौशाला नगरपालिकाको आयोजनामा योग शिबिर माघ १ गते देखि संचालन हुने योग धेरै नै महत्वपूर्ण कुरा हो, यो कहाँ हराएको थियो तर फेरि यसलाई महामारी तथा रोगहरु बाट बच्नको लागि ल्याउनु पर्यो' ।

त्यस्तै मा.भरत प्रसाद साहले भने 'मान्छे स्वस्थ रहनु नै देशको विकास हो मान्छे औषधितिर बढी जाने र जडिबुटितिर कम जाने गर्छन । त्यसैले योग धेरै राम्रो काम हो जुन गौशाला नगरपालिकाले गर्न गइरहेको छ' । उनले भने 'युवाहरू गलत कुलतमा अहिले फसेका छन् ।युवालाई यो गलत कुलत बात बचाउनु पर्छ र यो काम हामी सबैले आफ्नै तर्फबाट सुरु गर्नुपर्छ र स्वयंसेवक राम्रो खालको बनाउनु पर्छ' ।

त्यसैगरी गौशाला नगरपालिकालाई शुभकामना दिदै र सबै सामुदायिकलाई जोड्नुपर्छ भन्दै नगर प्रमुख शिवनाथ महतो जय गौशालाको अभिबादन गर्दै अन्तरक्रिया कार्यक्रम सम्पन्न गरेको थिए ।