बाराको जीतपुरसिमरा उपमहानगरपालिकाका प्रमुख प्रशासकिय अधिकृत वैकुण्ठनीधि शर्मा कार्यभार सम्हालेको चार महिना नवित्दै सरुवा

6 वर्ष पहिले प्रकाशित

(2077-03-22 B.S.)

2922 पटक देखिएको

दिपेन्द्र जयसवाल,बारा असार २२

बाराको जीतपुरसिमरा उपमहानगरपालिकाका प्रमुख प्रशासकिय अधिकृत वैकुण्ठनीधि शर्मा कार्यभार सम्हालेको चार महिना नवित्दै सरुवा भएका छन् ।संघीय मामिला तथा सामान्य प्रशासन मन्त्रालयले निकालेको सरुवा सुचि अनुसार बाराको जीतपुरसिमरा उपमहानगरपालिकाको प्रमुख प्रशासकिय अधिकृतका रुपमा उद्योग वाणिज्य तथा आपुर्ती मन्त्रालयमा कार्यरत सहसचिव प्रदिपराज अधिकारीलाई पठाइएको छ ।

प्रमुख प्रशासकीय अधिकृत शर्माको राष्ट्रिय योजना आयोगमा सरुवा भएको छ । उपमहानगरपालिकामा लामो समय काम गरेका प्रमुख प्रशासकीय अधिकृत शिवराज सेढाँइको सरुवा भएपछि शर्मा गत चैत्रदेखि उपमहानगरको जिम्मेवारीमा रहेपनि कोभिड १९ महामारी सुरु भएकाले उनी काठमाडौंमै धेरै समय बसेका थिए ।

लकडाउनपछिको अवस्था र क्वारेन्टाइन व्यवस्थापनमा भूमिका नखेलेको भन्दै शर्माको उपमहानगर भित्रैपनि आलोचना हुने गरेको थियो । कार्यालयमा भन्दा धेरै काठमाडौंमा समय विताउने शर्मालाई काठमाडौंमै सरुवा मिलेपछि हाइसन्चो हुने भएको छ । उपमहानगरको नगर सभा स्थगित भएपछि असार मसान्तका बेला काम छाडेर विदामा गएका प्रमुख प्रशासकीय अधिकृत सरुवा मिलाएर आइतबार बारा फर्किएका छन् । उपमहानगरका एक अधिकृतका अनुसार प्रमुख प्रशासकीय अधिकृत शर्मा नगर सभा सम्पन्न भएपछि मात्रै उपमहानगरपालिकाको जिम्मेवारी बुझाएर विदा हुने छन् ।