बाराको परवानीपुर गाउँपालीका वडा नं ५ स्थित बहुअरी टोलमा आज देखी फ्री टिउसन कक्षा संचालन

6 वर्ष पहिले प्रकाशित

(2077-03-22 B.S.)

3794 पटक देखिएको

दिपेन्द्र जयसवाल,बारा असार २२

बाराको परवानीपुर गाउँपालीका वडा नं ५ स्थित बहुअरी टोलमा आज देखी फ्री टिउसन कक्षा संचालन भएकोे छ । बहुअरी क्रिकेट क्लबको आयोजनामा कक्षा १ देखी कक्षा १० सम्मका बिधार्थीहरुको लागी आज देखी पठन पाठन सुरु गरिएको क्लबका अध्यक्ष सुनिल पटेलले बताउनु भयो ।

विश्वभरी फैलिएको कारोना भाईरसको महामारीले गर्दा स्कुलहरु बन्द रहेको अवस्थामा र बिधार्थीहरुको र्फुसतको समयलाई सदुपयोग गर्ने उदेश्यले फ्रि टिउसन कक्षा संचालमा ल्याईएको अध्यक्ष पटेलले बताउनुभयो । कार्यक्रमका प्रमुख अतिथि ठाकुरराम क्याम्पसका प्रध्यापक डा. प्रमोद यादवले कार्यक्रमको उद्धघाटन गर्दै बहुअरी क्रिकेट क्लबले धरै नै सहरानीय कामको आयोजना गरेकोमा क्लबका सदस्यहरुलाई धन्यबाद दिनुभएको थियो ।

साथै वहाले आउने दिनहरुमा यस क्लबले अझै राम्रा कामहरु गर्न शुभकामना दिनुभएको थियो । कार्यक्रमका विशिष्ट अतिथि नेशनल मेडीकल कलेजका डा. पवन पटेलले बिधार्थीहरुलाई नियमित कक्षामा उपस्थिती हुन आग्रह गर्नुभएको थियो । वहाले न जानेको कुरा आफनो शिक्षकसंग निर्धक रुपमा सोध्न आग्रह गर्नुभएको थियो ।

क्लबका संस्थापक सचिव श्याम रामले बिधार्थीहरुलाई अनुशासनमा बसेर शिक्षा आर्जन गर्न र सिकेको कुरालाई आफनो ब्यवहारमा उतार्न आग्रह गर्नुभएको थियो । सो कक्षा संचालनको जिम्मा शिक्षक विशाल पटेल , शिक्षक आर्य पटेल, शिक्षक रोहित यादव लगायतलाई दिईएको छ । सो अवसरमा कक्षा १ देखी कक्षा १० समम्का बिधार्थीहरुको उपस्थिती रहेको थियो ।