रौतहटमा दुइ दिनदेखि परेको अविरल बर्षाले रौतहटको विभिन्न स्थान डुवानमा

6 वर्ष पहिले प्रकाशित

(2077-03-26 B.S.)

3316 पटक देखिएको

दिपेन्द्र जयसवाल असार २६

रौतहटमा दुइ दिनदेखि परेको अविरल बर्षाले रौतहटको विभिन्न स्थान डुवानमा परेपछि रौतहट क्षेत्र नं. ४ प्रतिनिधि सभाका सांसद देव प्रसाद तिमल्सिनाले डुवान क्षेत्रको निरिक्षण गर्नु भएको छ । दुइ दिनको निरन्तर बर्षाले रौतहटको चन्द्रपुर नगरका सबै वडाहरु डुवानको जोखिममा परेको छ ।

चन्द्रपुर नगरपालिका अन्तर्गत बागमति , पौराइ , मंगलपुर जुडिबेला , लच्का , कलटोल , फुलबारी , गैडाटार , ठाडाटोल , चन्द्रपुर चोक क्षेत्र , बजार , सन्तपुर , बसन्तपुर , मरदर , चेतनगर , बालचनपुर लगायतका अधिकांस क्षेत्र डुवानको जोखिममा परेको सांसद तिमल्सिनाले बताउनु भयो ।

धेरै स्थानमा पानीको निकास नबनाई बिकासका कामहरु भएकोले बर्षातको पानी ताल झै जमेको देखिएको बताउनु भयो । रौतहटको चन्द्रपुर नगरपालिका वडा नं.२ स्थित लच्कामा विहिबारदेखि परेको निरन्तर बर्षाका कारण पुर्वपश्चिम राजमार्ग अबरुद्ध भएको थियो । आज १ बजेसम्म अबरुद्ध राजमार्ग पानीको बहाव कम भएपछि पुन सञ्चालनमा आएको छ ।

पुर्वपश्चिम राजमार्गमा देशैभरिका जनताहरु आवतजावत गर्नु पर्ने भएकाले आफुले लच्कालाई व्यवस्थित बनाउन सरकारसंग धेरै आग्रह गरेको तर सुनुवाइ नभएको दुखसो पोख्नु भएको छ । डुवानबाट जोगिन अब रौतहटमा पानीको निकासतर्फ ध्यान जानु पर्नेमा उहाले जोड दिनु भएको छ ।