गौशालामा एक महिलामाथि बलात्कारको प्रयास

5 वर्ष पहिले प्रकाशित

(2078-03-08 B.S.)

3049 पटक देखिएको

असार ८ ,गौशाला

ममता शर्मा

महोत्तरीको गौशालामा एक महिलामाथि बलात्कारको प्रयास भएको छ । नगरपालिकाको वडा न.७ मनहर्वा निवासी स्थानीय ३३ वर्षीय युवतिमाथि बलात्कारको प्रयास भएको हो । उनको पति करिब २-३ महिना देखि काठमाडौंमा कार्यरत रहेका छन् । जसको फाइदा उठाएर घरमा कोहि नभएको मौका छोपी गत शुक्रबार करिब ११ बजेतिर आफूमाथि छिमेकी जाजुल मोमिन अन्दाजी ३५ वर्षीय युवकले बलात्कार गर्ने प्रयास गरेको उनले बताएकी छिन ।

शुक्रवार करिब ११ बजेतिर घरमा कोहि थिएन , उनले भनिन "म शौच गरेर चर्पीबाट बाहिर निक्लदै थिए त्यतिकैमा मेरो घरको छेउमा रहेको बारीमा बसिरहेको मेरो छिमेकीले अकस्मात आएर मलाइ घिसार्दै सो बारीमा लगि मलाइ करणी गर्ने प्रयास गरे ।"

करणीको प्रयासको समयमा बेसरी चिच्याउदा त्यहा उनकी छोरी जो भर्खर बाहिरबाट आएकी थिइन् , उनले आफ्नो आमालाई बचाउने प्रयास गरिन तर सो युवकले उनको छोरीलाई समेत कुटपिट गरि घाटी थिच्ने प्रयास गरेको पिडित महिलाले बताएकी छिन । पछी उनको छिमेकीले चिच्याएको आवाज सुनेर त्यहा पुग्दा युवक भागेको छिमेकीले बताएकी छिन । उनको शरीरको बभिन्न भागमा घाउ भएको र छोरीको घाटी, हात र अनुहारमा सामान्य छोट लागेको उनले गुनासो गरेकी छिन ।

पारिवारिक रिसिविको कारणले ती युवकले बलात्कार गर्ने प्रयास गरेको ४ महिनाको गर्भवती रहेको सो पिडित महिलाले जानकारी दिएकी छिन ।

अहिले सो युवक फरार रहेको र करणी गर्ने प्रयास नगरेको भए घर छोडेर भाग्ने प्रयास अनुचित रहेको छरछिमेकले टिप्पणी गरेका छन् । पिडित महिलाले गौशाला इलाका प्रहरी कार्यालयमा निवेदन समेत दिएकी छिन ।