गौशालामा एक युवतीले गरिन आत्महत्या ,हत्या गरिएको आफन्तको आरोप

5 वर्ष पहिले प्रकाशित

(2078-03-11 B.S.)

9162 पटक देखिएको

असार ११ ,गौशाला

ममता शर्मा

महोत्तरीको गौशाला नगरपालिका वडा न.११ स्थित एक महिलाले झुण्डीएर आत्माहत्या गरेकी छिन । गौशाला ३ नवराजपुर् निवासी फुलोदेवी महतो र मोहनलाल महतोकि करिब २२ वर्षीय छोरी रिंकु महतोले झुन्डिएर आत्मा हत्या गरेकी हुन् । उनको विवाह गौशाला ११ कालिपुर स्थित रामविलास महतोका छोरा प्रविन भनेर चिनिने २५ वर्षीय तेजनारायण महतोसंग करिब डेढ वर्ष अगाडी भएको हो ।

उनको ससुराली पक्षले कुटपिट गरि मारेर झुन्ड्याई दिएको उनका आमा बाबुले आरोप लगाएका छन् ।घटनाबाट बच्नको लागि आत्महत्या गरेको जस्तो झुन्ड्याई दिएको आमा बाबुले भनेका छन् ।

ससुराली पक्षले बिभिन्न मानसिक तनाव र यातना दिने गरेको छोरीले आमालाइ फोनमा बताउने गरेको आमा फुलोदेवीले भनेकी छिन । युवतीको ४ महिनाको छोरी रहेको र बच्चालाइ ससुराली पक्षले राखेको उनले बताएकी छिन ।

छोरीको श्रीमानक सम्बन्ध थापाटोलको अर्को युवति संग रहेकोले दिनदिनै यातना दिने गरेको फुलो देवीले दुखासो पोखिन ।

उनले भनिन "हामीले दाइजोमा १ वटा सिलाइ मसिन ,१ वटा मोटरसाइकल (१ लाख ९० हजारको ) ,१ लाख २ हजार रकम ,डेढ तोला सोना ,फर्निचर सेट लागायको समाग्री दिएका हौ । उनीहरुले दाइजो सम्बन्धि कुनै गुनासो गरेनन तर जब मेरो छोरीको ससुरा बिरामी भयो त्यसपछी उनिहरुले हामी संग ५० हजार मागेका थिए पैसा नभएपछी छिमेकीसंग मागेर १० हजार रकम दियौ । पछी ४० हजार रकम दिएनन् भनेर माइतीपक्षले मेरो छोरीलाइ दिनदिने गालि गलौज गरि यातना दिने गरेका थिए । यो कुरा मलाई छोरीले फोनमा भन्ने गरेकी थिइन् ।

बुधवार राति घटना भएको र माइती पक्षलाइ बिहिवार बिहान थाहा भएको हो ।

छोरीमाथि ठुलो अन्याय भएको भन्दै इलाका प्रहरी कार्यालयमा निवेदन दिएपनि कुनै दर्ता नगरेको उनको बुबाले बताएका छन् । न्याय पाउने आस उनीहरुले राखेका छन् ।