सप्तरीमा कोरोना शंकास्पद तीनजनाको मृत्यु

6 वर्ष पहिले प्रकाशित

(2077-04-21 B.S.)

1784 पटक देखिएको

साउन २१ गते

सप्तरीमा कोरोना शंकास्पद तीनजनाको मृत्यु भएको छ । सप्तरीको राजविराज स्थित छिन्नमस्ता अस्पतालमा उपचार गराइरहेका दुईजना र उपचारका लागि धरान लैजाँदै गरिरएका एकजनाको मंगलबार मृत्यु भएको हो ।

कोरोनाको लक्षण देखिएका सप्तरीको राजगढा गाउँपालिकाका ७१ वर्षीय र डक्नेश्वरी नगरपालिका ९ का७४ वर्षीय वृद्धको उपचाको क्रममा अस्पतालमा र रुपनी गाउँपालिका ५ घढियाका ४५ वर्षीय पुरुषलाई उपचारको लागि धरान लैजाँदै गर्दा बाटोमै मृत्यु भएको सप्तरीका स्वास्थ्य कार्यालय प्रमुख दुनियालल यादवले जानकारी दिए ।

उनका अनुसार छिन्नमस्ता अस्पतालमा उपचारको क्रममा मृत्यु भएका दुवैजना दीर्घ रोगी रहेको र श्वास फेर्न गाह्रो भएपछि दुबैजनालाई अस्पताल भर्ना गरिएको थियो ।
मृत्यु भएका रुपनी गाउँपालिका ४५ वर्षीय पुरुष १५ दिन अघि मलेसियाबाट फर्केर होम क्वारेन्टाइनमा बसिरहेका थिए । एक्कासी ज्वरो र श्वास फेर्न गह्रो भएपछि मंगलबार राजविराज स्थित गजेन्द्रनारायण सिंह सगरमाथा अस्पतालमा भर्ना गरिएको थियो । सो अस्पतालमा उपचार सम्भव नभएपछि धरान स्थित विपी कोइराला विज्ञान प्रष्ठिान धाराना लग्दै गर्दा बाटोमै मृत्यु भएको स्वास्थ्य कार्यालय प्रमुख यादवले जानकारी दिए ।

तीनैजनामा कोरोनाको लक्षण देखिएर मृत्यु भएकाले स्वाब परिक्षण पश्चात मात्र शव व्यवस्थापन गर्ने उनले बताए । स्वास्थ्य कार्यालय प्रमुख यादवका अनुसार कोरोना परिक्षण गर्न तीनैजना मृतकको बुधबार स्वाब संकलन गरिएको छ ।