महोत्तरीको मटिहानीमा भएको घटनाको छानविन र दोषीलाई कारवाहीको माग गर्दै - सूर्यनारायण साह

6 वर्ष पहिले प्रकाशित

(2077-07-13 B.S.)

3723 पटक देखिएको

कार्तिक १४ गते

महोत्तरीको मटिहानी नगरपालिकाका नगर प्रमुखको उपस्थितिमै भएको आक्रमणमा परी तीनजना घाइते भएका छन् । मटिहानी नगरपालिकाका प्रमुख हरि मण्डलको उपस्थितिमा विजय दशमीको रात भएको सांघातिक आक्रमणमा मटिहानी नगरपालिका–८ बस्ने ५७ वर्षीय विजय चौधरी, मटिहानी नगरपालिका–८ बस्ने ४८ वर्षीय जितेन्द्र चौधरी र मटिहानी नगरपालिका–७ बस्ने ५३ वर्षीय गणेशप्रसाद साह घाइते भएका हुन् ।

घाइतेमध्ये विजय चौधरी उपचारपछि डिस्चार्ज भएका छन् भने बाँकी दुई जनाको अवस्था गम्भीर रहेकोले काठमाडौँस्थित ट्रमा सेन्टरमा उपचार भइरहेको जनाइएको छ ।

त्यसैगरि एक कार्यक्रममा बोल्दै अनेरास्ववियुका युवा नेता सूर्यनारायण साहले नेकपाबाट महोत्तरी जिल्ला को क्षेत्र न.३ प्रतिनिधि सभाका प्रत्याशी कामरेड विजय चौधरी लगायत उहाको भाइ जिन्तेंद्र चौधरी र गणेश प्रसाद साह माथि संघातिक हमला ज्यान मार्ने गरि धारिलो हथियार प्रयोग गरेकोले सो घटना प्रति घोर भत्सर्ना गरेको बताउनु भएको छ । र त्यसको निष्पक्ष छानविन गरि अपराधिहरुलाई कडा भन्दा कडा कारवाही गर्न गृह प्रसासनसंग माग गर्नु भएको छ ।

उहाले घाइते भएका सम्पूर्णको शिघ्र स्वास्थ्य लाभको कामना समेत गर्नुभएको छ । साथै घटनाको योजनाकार संलग्नहरुमाथि छानविन हुनुपर्ने र छानविन गर्न र गराउन सम्बन्धित निकाय समक्ष जोडदार माग गर्नुभएको छ र माग पुरा नभएमा हदसम्म जाने चेतावनी समेत उहाले दिनु भएको छ ।