गौशालामा सगरमाथा आखा अस्पताल र महोत्तरी नेत्रहिन संघद्वारा जनचेतनामुलक कार्यक्रम सम्पन्न

6 वर्ष पहिले प्रकाशित

(2077-08-11 B.S.)

3117 पटक देखिएको

मंसिर ११

आज गौशाला नगरपालिकाको पुरानो भवनमा सगरमाथा चौधरी आखा अस्पताल, लहान र महोत्तरी नेत्रहिन संघद्वारा आखाको जाच सम्बन्धि र अपाङ्गता भएको व्यक्तिहरुको अधिकार सम्बन्धि जनचेतना कार्यक्रम सम्पन्न भएको छ ।

महोत्तरी नेत्रहीन संघको सहायतामा सगरमाथा चौधरी आखा अस्पताल द्वारा आयोजना गरिएको उक्त जनचेतना सम्बन्धि कार्यक्रमको अध्यक्षता सो अस्पतालको अध्यक्ष रुबी दासले गर्नु भएको थियो ।

साथै अपाङ्गता भएका व्यक्तिहरुको विश्वव्यापी अधिकार सम्बन्धि सन्धि UNCRPD को प्रशिक्षण महोत्तरी नेत्रहीन संघको अध्यक्ष बिरेन्द्र महतो ज्युले ,आखा सम्बन्धि जानकारीको प्रशिक्षण रुबी दासले र कान सम्बन्धि जानकारीको प्रशिक्षण अस्पतालको कान विभागको सहायक सोम मगरले गर्नुभएको थियो ।

अपाङ्गता भएका व्यक्तिहरुले पाउनु पर्ने अधिकार ,सामाजिक सुरक्षा , अपाङ्ग कार्ड ,सम्मान, रोजगारी स्वास्थ्य ,शिक्षा सम्बन्धि जानकारी दिदै महोत्तरी नेत्रहिन संघका अध्यक्ष बिरेन्द्र महतोले सोको कमि कमजोरी प्रति सरकारको ध्यानाकर्षण गराउन चाहेको बताउनु भएको छ । उनले अपाङ्गता भएको व्यक्तिलाइ प्रोत्साहन गर्नु समाजको कर्तव्य र अधिकार दिनु सरकारको जिम्मेवारी भएको कुरा पनि प्रस्ट्याउनु भएको छ ।

त्यसैगरि सगरमाथा चौधरी अस्पतालका सिबिएम र इआरइसिपीको सस्थाले सहयोग गरेको सो कार्यक्रममा आखा र कानको सुरक्षा कसरि गर्ने सम्बन्धि बिषयमा जनचेतना प्रदान गरिएको थियो ।

कार्यक्रममा रौतहट नेत्रहीन संघको अध्यक्ष एवं नेपाल नेत्रहीन संघ प्रदेश २ को उपाध्यक्ष हरिमिश्र ज्यू , नेपाल नेत्रहीन संघ प्रदेश २ को अध्यक्ष बिरेन्द्र महतो ,गौशाला न.पा.महिला बालबालिका तथा समाज कल्याण उपशाखा सहायक महिला बिकाश निरीक्षण संजिता रौनियार लगायत नेत्रहीन तथा दृष्टिबिहिन र अपाङ्ग भएका व्यक्तिहरुको सहभागिता रहेको थियो ।

यस्ता जनचेतनामुलक कार्यक्रमहरु फेरी आओस भन्ने विश्वास व्यक्त गर्दै अपाङ्गहरुले आफ्नो अधिकार बुझेर सम्बन्धित निकाय समक्ष पुर्याउन आग्रह बिरेन्द्र ज्यूले गर्नुभएको छ ।