गौशालाको त्रिभुवन मा.वि.का विद्यार्थीहरु आन्दोलित तर भएन सुनुवाई

5 वर्ष पहिले प्रकाशित

(2077-11-12 B.S.)

5113 पटक देखिएको

फाल्गुन १२ ,गौशाला

महोत्तरीको गौशाला नगरपालिकास्थित रहेको त्रिभुवन मा.वि.को प्राविधिक शिक्षातर्फ अध्ययन गरिरहेका विद्यार्थीहरुले विद्यालयमा भएका विभिन्न कमीकमजोरीहरुको गुनासो गरेका छन् । विद्यालयमा अतिरिक्त शुल्क लिएपनि गुणस्तरीय पठनपाठनको व्यवस्था हुन नसकेको उनीहरुको भनाइ रहेको छ ।

"लकडाउनमा कक्षा संचालन नभएता पनि हामीसंग मासित शुल्क विद्यालयले मागिरहेको तर हामी दिन असमर्थ छौ । करिब ६ महिना लकडाउन भएको र पठन पाठन नभएको शुल्क हामीले कसरि दिने" भनेर कक्षा १० प्राबिधिक तर्फ अध्ययन गरिरहेको राज राउतले बताए ।

यसैबीच शुल्कको सम्पूर्ण विवरणहरु विद्यार्थी समक्ष सम्प्रेशन गर्नुपर्ने भन्दै कक्षा १२ प्राविधिक तर्फका विद्यार्थी रोहित झाले भने ,"प्राक्टिकल वापत शुल्क लिएपनि त्यो प्रभावकारी ढङ्गले हुन् सकेको छैन ,हामी तिन दिन देखि बिद्यालय परिसरमा आन्दोलन गरिरहेका छौ तर पनि यसप्रति प्रधानाध्यापकको कुनै ध्यानाकर्षण भएको छैन" ।

यस सम्बन्धि सोहि विद्यालयका प्रधानाध्यापकले आफ्नो जवाफ दिदै भने "हाम्रो विद्यालयको व्यवस्थापन समितिको गठन नभएको कारणले कुनै पनि आर्थिक कारोवारको निर्णय लिन हामी असमर्थ छौ । यो भन्दा विगतको समयमा गरिएको समितिको निर्णय अनुसार नै हामी कार्यहरु गरिरहेका छौ" ।

त्यस्तै पटक पटक व्यवस्थापन समिति गठनको लागि भेला बोलाए पनि गठन हुन नसक्नु आफ्नो दुर्भाग्य रहेको समेत उनले बताएका छन् ।