जिज्ञासा कार्यक्रमको बिजेता भए नरेन्द्र

5 वर्ष पहिले प्रकाशित

(2077-11-29 B.S.)

4166 पटक देखिएको

फाल्गुन २९ ,गौशाला

आज रेडियो जुनतारा १०३.४ मेगाहर्जबाट हप्ताको एकदिन शनिवार प्रसारण हुने कार्यक्रम जिज्ञासाको बिजेता नरेन्द्र कुमार यादव भएका छन् ।

औरही नगरपालिका -५ श्रीपुर महोत्तरी श्री किशोरी यादव र श्री शिवदुलारी देवीका छोरा नरेन्द्र यादव (सि.एम.ए.)ले आज रेडियो जुनताराको कार्यक्रम जिज्ञासामा रेडियोमा प्रत्यक्ष उपस्थित भइ कार्यक्रममा सोधिएका प्रश्नहरुको उत्तर दिएर बिजेता भएका छन् ।

सो कार्यक्रममा कविलासी न.पा.-८ सर्लाही बस्ने सन्तोष साह र अन्जु देवी साहका छोरा सोहन साह सहभागी रहेका थिए र उनि जिज्ञासा कार्यक्रममा दोश्रो भएका छन् । त्यसतै गौशाला न.पा.-६ बस्ने राम प्रताप राय यादव र कोशीला देविका छोरा कक्षा ९ मा अध्ययनरत अभिमन्यु यादव तृतीय भएका छन् ।

रेडियो जुनताराको अध्यक्ष श्री निरन्जन साह ज्युको हातबाट नरेन्द्र यादवले प्रथम भए वापत नगद रु. १५५१ र प्रमाण पत्र प्राप्त गरेका छन् र द्वितीय ,तृतीय हुनेले प्रमाण पत्र प्राप्त गरेका छन् ।

रेडियो जुनतारामा प्रत्येक हप्ताको शनिवार जिज्ञासा कार्यक्रम मार्फत श्रोताहरुलाई सामान्य ज्ञान सम्बन्धि प्रश्नोत्तर सोधिने र सहि उत्तर दिने बिजेताहरुलाई महिनाको अन्तिम शनिवार रेडियोमा उपस्थित गराई प्रश्नोत्तर गरि बिजेता हुनेलाई प्रमाण पत्र सहित उल्लेखित नगद प्रदान गरिने यो कार्यक्रमको बारेमा बोल्दै बिजेता यादवले भने, "यस कार्यक्रमले विद्यार्थी तथा लोक सेवा आयोगको लागि तयारि गरिरहनु भएका व्यक्तिहरुलाइ महत्वपूर्ण सहयोग पुर्याएको छ" ।

जसले समाजमा जनचेतना सँगसँगै मानसिक वृद्धिमा पनि विकास गर्न मदत गरको छ ।रेडियो जुनतारालाई धन्यबाद ज्ञापन गर्दै उनले पुरस्कार प्रति खुसि र आभार व्यक्त गरेका छन् ।