महोत्तरीको गौशाला नगरपालिकामा पहिलो पटक १६ जनामा कोरोना संक्रमण पुष्टि

5 वर्ष पहिले प्रकाशित

(2077-03-07 B.S.)

4949 पटक देखिएको

गौशाला, असार ७ गते ।

महोत्तरीको गौशाला नगरपालिकामा पहिलो पटक १६ जनामा कोरोना संक्रमण पुष्टि भएको छ । शनिवार स्वास्थ्य तथा जनसंख्या मन्त्रालयले गरेको पत्रकारसम्मेलनका वीच गौशाला नगरपालिकाका १६ जना गरि महोत्तरीमा संक्रमितको संख्या २४ पुगेको जानकारी दिएका छन ।
नगरपालिकाका १५ बर्षिय किशोर सहित १ देखि १९ बर्ष उमेर समुहका ४ जना पुरुषहरुमा कोरोना संक्रमण पुष्टि भएको हो । त्यसैगरी सोही नगरपालिकाकी २८ बर्षिय महिला र ४४ बर्षिय पुरुषमा समेत कोरोना संक्रमण पुष्टि भएको हो भने १९ बर्ष देखि ४० बर्ष उमेर समुहका १० जना पुरुषहरुमा कोरोना संक्रमण पुष्टि भएको हो ।
त्यस्तै जिल्लाको मटिहानी नगरपालिकाकी ४५ बर्षिय महिलामा कोरोना संक्रमण पुष्टि भएको छ । सोही नगरपालिकाकै १८ बर्षका २ जना किशोरमा समेत कोरोना संक्रमणको पुष्टि भएको छ । मटिहानी नगरपालिकाकै ४५ बर्षिय पुरुष सहित १९ देखि ४० बर्ष उमेर समुहका ४ जना पुरुषहरुमा कोरोना संक्रमण पुष्टि भएको छ ।
यस सम्बन्धमा गौशाला नगरपालिकाका प्रवक्ता भोज वहादुर दर्लामीले नगरपालिका चाँडै नै आईसोलेन कक्ष स्थापना गर्ने तयारीमा जुटेको बताएका छन । संक्रमितहरुलाई तत्कालै आईसोलेनकक्षको व्यवस्थापनका लागि नगरपालिका जुटेको प्रवक्ता दर्लामीले जनाएका छन ।
प्रदेश नम्वर २ मा पछिल्लो २४ घण्टामा यस प्रदेश नम्वर २ मा ३ महिला र ३१ जना पुरुषगरी कुल ३४ जना ब्यक्तिहरुमा कोरोना भाईरस सक्रंमित भएको पुष्टि भएको छ ।