जनता समाजवादी पार्टी अध्यक्ष महन्त ठाकुर पक्षका ३ राज्यमन्त्रीसहित चार मन्त्री बर्खास्त

5 वर्ष पहिले प्रकाशित

(2078-02-23 B.S.)

3397 पटक देखिएको

जेष्ठ २४

प्रदेश २ बाट जनता समाजवादी पार्टी अध्यक्ष महन्त ठाकुर पक्षका ३ राज्यमन्त्रीसहित चार मन्त्री बर्खास्त भएका छन् ।

प्रदेश २ का मुख्यमन्त्री लालबाबु राउतले जसपाका महन्थ ठाकुर समूहबाट मन्त्री बनेका चार जनालाई बर्खास्त गर्नु भएको छ ।

महन्थ ठाकुर पक्षका भौतिक पूर्वाधार विकास मन्त्री जितेन्द्र सोनल, भौतिक विकास पूर्वाधार राज्यमन्त्री डिम्पल झा, सामाजिक विकास राज्यमन्त्री अभिराम शर्मा र उद्योग वन पर्यटन राज्यमन्त्री सुरेश मण्डललाई बर्खास्त गरिएको भूमि व्यवस्था कृषि तथा सहकारी राज्यमन्त्री योगेन्द्र राय यादवले जानकारी दिनुभयो ।

बैठकबाट जनता समाजवादी पार्टीको संसदीय दलको विधान पारित गर्नुका साथै संसदीय दलको नेता चयन गरिएको हो । प्रदेश २ मा तत्कालीन समाजवादी पार्टीका ३० र राजपाका २५ सांसद छन् ।

प्रदेश २ का मुख्यमन्त्री राउतले जनता समाजवादी पार्टी (जसपा) अध्यक्ष ठाकुर पक्षका चार मन्त्रीलाई बर्खास्त गरेसँगै मन्त्रिपरिषद हेरफेर गर्नुभएको छ ।

पूर्वराजपाबाट प्रदेश २ सरकारमा प्रतिनिधित्व गरिरहेका चार जनालाई राउतले बर्खास्त गरेपनि सोही पार्टीबाट सामाजिक विकासमन्त्री नवलकिशोर साह र उद्योग, पर्यटन, वन तथा वातावरणमन्त्री रामनरेश राय भने जोगिएका छन् ।