पुर्व राज्यमन्त्री सरोजसिँह कुश्वाहले सवारी साधन र अन्य सामग्री फिर्ता नगरेपछी मन्त्रालयको कामकाज प्रभावित ,मन्त्रि साहको सचिवालयले अर्को गाडी किन्न बाध्य

5 वर्ष पहिले प्रकाशित

(2078-05-10 B.S.)

7229 पटक देखिएको

भदौ १०

प्रदेश नम्बर २ को आन्तरिक मामिला तथा संचार मन्त्री भरत प्रसाद साहले हाल प्रयोग गरीरहेको टाटा कम्पनीको सफारी स्टोर्म बिच बाटोमै पटक पटक बिग्रिने हुँदा जनसमुदायमा सेवा प्रदान गर्न र अत्यावश्यक कामहरुमा विलम्ब हुँदा बाध्य भएर नयाँ खरिदका लागि प्रक्रिया अघि बढाइएको एक प्रेस बिज्ञप्ति मार्फत जनाइएको छ ।

त्यस्तै आन्तरिक मामिला तथा सञ्चार मन्त्रालयले मन्त्रालयसँग सम्बन्धि केही अनलाईनमा आएका समाचारप्रति आपत्ति जनाएको छ । आन्तरिक मामिला तथा सञ्चार मन्त्री भरत प्रसाद साहको सचिवालयले बिहिवार एक प्रेस विज्ञप्ती जारी गर्दै विलासिताका लागि सचिवालयले गाडी थप्न लागेको भन्ने समाचारप्रति आपत्ति जनाएको हो ।

विलासिताका लागि नभएर मन्त्रालयको आवश्यक्ताअनुसार नै प्रक्रियाबमोजिम सवारी साधन खरिदका लागि पहल गरेको सचिवालयले प्रेस विज्ञप्तीमार्फत स्पष्ट पारेको छ । मन्त्री साहले ८ वटा सवारी साधन प्रयोग गर्ने गरेको समाचार कपोकल्पित भएकाले यस किसिमका तथ्यहिन समाचार सम्प्रेषण गरेर मन्त्री र मन्त्रालयमाथी नै आँच पुग्ने कार्य नगर्न पनि विज्ञप्तीमार्फत आग्रह गरिएको छ । सुरक्षाकर्मीका लागि एक वटा पिक अप भ्यानसहित २ वटा गाडी मात्रै प्रयोग गरेको विज्ञप्तीमा उल्लेख छ ।

मोबाइलसहितका अन्य सामग्री खरिद गर्ने सम्बन्धमा प्रकाशित समाचारमा पनि कुनै सत्यता नभएको विज्ञप्तीमा उल्लेख छ ।

उक्त विज्ञप्तीअनुसार बारम्बार पत्राचार ताकेता गर्दा पनि पुर्व राज्यमन्त्री सरोजसिँह कुश्वाहले सवारी साधन र अन्य सामग्री फिर्ता नगरेको हुँदा मन्त्रालयको कामकारवाही पनि प्रभावित भइरहेको छ । मन्त्रालयको कामकाज मात्र प्रभावित नभएर जनसमुदायमा सेवा प्रवाह गर्न पनि मन्त्रालयमा समस्या आएको देखिन्छ ।

कुशवाहाले मन्त्रि भएको समयमा पाएको सेवा सुबिधा गाडी लगायत अन्य सुबिधाहरु मन्त्रि पदमुक्त हुदा आफ्नो सेवा सुबिधा प्राप्त गरेको सम्पूर्ण सामग्री सम्बन्धित निकायमा बुझाउनुपर्ने हुन्छ तर पुर्व मन्त्रि सिंहले अहिले सम्म त्यस्तो बुझाउने मनसाय नराखेको कारणले मन्त्रलायलाइ कामकाजमा समस्या उत्पन्न भएको छ ।