एमसीसी कुनै पनि हालतमा पारित हुनुहुदैन : नेता साह

5 वर्ष पहिले प्रकाशित

(2078-11-05 B.S.)

3810 पटक देखिएको

गौशाला

फाल्गुन ५ ,बिहिबार
अनेरास्ववियु (क्रान्तिकारी )का नेता सुर्यनारायण साहले एमसीसी कुनै पनि हालतमा पारित हुन नहुने बताएका छन् । बिहिबार एक कार्यक्रमबीच आफ्ना भनाइ राख्दै नेता साहले एमसीसी पारित हुन नदिनको लागि आफु कुनै पनि हद सम्म जान सक्ने चेतावनी दिएका छन् ।

उनले भने ,एमसीसी पारित हुनु नेपाली जनताको लागि दुख तथा कस्टदायी अवस्था सिर्जना हुनु हो। यसको विरुद्धमा हामी सशक्त आन्दोलन गर्न पनि तयार छौ ।

उनले एमसीसी खारेज हुनुपर्ने,राष्ट्रिय स्वाधिनताको रक्षा गर्नु जरुरि रहेको र एमसीसी सम्झौता पास गर्न खोज्ने राष्ट्रघाती भएको बताए ।

‘ज्यान दिएर सहिदहरुले सार्वभौम नेपाल बनाएकोमा अहिले एमसीसीका नाममा अरुको गुलाम बनाउने षडयन्त्र भैरहेको छ’, उनले थपे , ‘हामी कुनै पनि हालतमा एमसीसी स्वीकार गर्दैनौं ।’

एमसीसी सम्झौतामा भएमा विदेशीले नेपालमा आतंक मच्चाउने चेतावनी दिंदै सबैले त्यसको विरोध गर्नुपर्ने उनको भनाइ रहेको छ । त्यस्तै एमसीसी राष्ट्रघात भएको भन्दै उनले खारेज गर्न माग समेत सरकार संग गरेका छन् ।

त्यसैगरी एमसीसीविरुद्ध आन्दोलनरत ६ कम्युनिस्ट पार्टी र दुई मोर्चाले आन्दोलनका थप कार्यक्रम घोषणा गरेको छ । मोर्चाको बिहीबार बसेको संयुक्त बैठकले एमसीसीविरुद्धको आन्दोलनलाई थप पेचिलो बनाउने निर्णय गरेको हो ।