गौशाला नगरपालिकाका जनप्रतिनिधीको मुख छैन भोट माग्ने :व्यापारि

4 वर्ष पहिले प्रकाशित

(2079-01-03 B.S.)

5333 पटक देखिएको

गौशाला

आउदो बैशाख ३० गतेको स्थानीय तहको चुनाव नजिकिदै छ । जनप्रतिनिधि चुनावी प्रचारप्रसारमा व्यस्त हुँदै गइरहेका छन् । पाँच वर्षको कार्यकाल समापन हुन लागेको गौशाला नगरपालिकाका जनप्रतिनिधिले नामको मात्र विकास गरेको जनसमुदायबाट गुनासो सुन्न सकिन्छ । महोत्तरीको मुख्य व्यापारिक केन्द्रको रुपमा रहेको गौशाला बजारको स्वरूप आजसम्म फेरिन सकेको छैन ।

चुनावपछि जनप्रतिनिधीको जीवन फेरियो फुसको घर बाट पक्काको घर बन्यो, मोटरसाइकल चढ्न नसक्ने जनप्रतिनिधि कार चढ्न थाले तर जनता धुलो र हिलो मै बस्न बाध्य छन् । फेरि पनि चुनाव ३० गते आउदैछ जनप्रतिनिधिको मुहार फेर्ने दिन तर जनताको कहिले फेरिने होला ।

बजार अव्यवस्थित मात्र नभएर जहि जताततै थुपारिएको फोहोरले व्यापारीहरुलाई सास्ती भोग्नुपरेको छ । घैला बजार, तरकारी बजार देखि लिएर माछा बजारभरि फोहोरको डंगुर थुप्रिएको छ । स्थानीय व्यापारीहरुले आवाज उठाउँदा समेत गौशाला नगरपालिकाले त्यतातिर चासो दिन सकेको छैन । जन समुदायले उक्त ठाउँमा व्यापार गर्नको लागि कर तिरे पनि सो बमोजिमको सुविधा पाउनबाट वञ्चित छन् । यतिमात्र नभएर गौशाला बजारमा छानबिन तथा अनुगमन पनि विरलै हुने गरेको छ ।

जबकी गौशाला बजारमा सरसफाइ गर्नको लागि महिनाको १ लाख ७० हजार खर्च गरिन्छ । तर त्यो रकम कहाँ जान्छ कसैलाई थाहा छैन । बजारलाई कोशौ दूरदेखि चारैतिर जोड्ने अवस्था हुँदा पनि जनप्रतिनिधिले आफ्नो स्वार्थ पुरा गर्न लिप्त हुँदा यतिसम्म पनि गर्न नसकेको जनसमुदायले बताएका छन् ।