स्वतन्त्र उम्मेदवारी ललित द्वारा गौशाला १२ को वडा अध्यक्षमा

3 वर्ष पहिले प्रकाशित

(2079-01-11 B.S.)

6791 पटक देखिएको

गौशाला ।

कान्तिबजारका पेट्रोलियम व्यवसायी ललित कुमार सिंहले वडा अध्यक्ष पदमा स्वतन्त्र मनोनयन दर्ता गराएका छन् । गौशाला नगरपालिका वडा नं. १२ को वडा अध्यक्ष पदमा व्यवसायी सिंहले स्वतन्त्र उम्मेदवारी दर्ता गराएका हुन् ।
समर्थहरुको मोटर साइकल र्याली सहित गौशाला पुगेका युवा व्यवसायी सिंहले वडा अध्यक्ष पदमा स्वतन्त्र उम्मेदवारी दर्ता गराएका छन् ।

स्वतन्त्र उम्मेदवार सिंहको क्रम संख्या ०१ रहेको छ । गौशाला नगरपालिकाको वडा नं.१२ मा माओवादी केन्द्रका नेतृत्व प्रति असन्तुष्टि जनाउदै नेता कार्यकर्ताले बिद्रोह गर्दै सिंहलाई स्वतन्त्र उम्मेदवार बनाएको हो । उम्मेदवारी दर्ता गर्न कान्तिबजारबाट सुरु भएको मोटर साइकल र्यालीमा माओवादी वडा र नगर कमिट सदस्य समेत सहभागि भएका छन ।
उम्मेदवारी दर्ता र्यालीमा स्वतन्त्र उम्मेदवार सिंहको समर्थनमा नेपाली कांग्रेस र मधेसवादी दलका नेता कार्यकर्ताहरु समेत सहभागि भएका थिए । नेकपा माओवादी केन्द्रमा आबद्ध रहेको व्यवसायी सिंहलाई पार्टीले टिकट नदिएपछि माओवादी केन्द्रबाट बिद्रोह गरी शनिबार उम्मेदवारी घोषणा गरेका थिए ।
माओवादीको आधारशिला मानिएको कान्तिबार आसपासका कार्यकर्ताहरुले नेतृत्व प्रति असन्तुष्टि जनाएर पार्टीबाट बिद्रोह गरेका छन । सिंहलाई माओवादी केन्द्रका नगर कमिटि सदस्य र वडा कमिटि सदस्यहरुले समेत समर्थन गरेको छ ।