चुनावी प्रचारमा तीव्रता

4 वर्ष पहिले प्रकाशित

(2079-01-18 B.S.)

10161 पटक देखिएको

निरन्जन साह

महोत्तरीको औरही नगरपालिकामा स्थानीय तहको चुनावी प्रचार प्रसारलाई दलीय तथा स्वतन्त्र उम्मेदवारहरुले तीव्रता दिएका छन् । सबै पार्टीका तथा स्वतंत्र उम्मेदवारहरू आ–आफ्नो एजेण्डा सहित जनता माझ घरदैलो कार्यक्रममा व्यस्त हुन थालेका छन् ।

सोही क्रममा औरही नगरपालिकाको नगर प्रमुख (मेयर ) पदका लागि जनता समाजवादी पार्टी नेपाल(जसपा)बाट उम्मेदवारी दिएका लोकप्रिय युवा नेता शुशील यादव आफ्ना पाइनलका सदस्यहरुका साथ नगरका जनताको घर घरमा पुगेर प्रचार प्रसारलाई तीव्र पारेका छन् ।

आफ्ना समर्थकका साथ नगरको प्रत्येक घरमा पुगेर आफुबाट जनताले गरेको आशा तथा स्थानीय जनताको समस्याहरुको बारेमा जानकारी लिइरहेका छन् । उनले आफूलाई जिताएर नगर प्रमुखको जिम्मेवारी दिएको खण्डमा जनताको इच्छा,आकांक्षा र जनताले आफूसँग गरेको अपेक्षाको कदर गर्दै जनतालाई निराश नगर्ने प्रतिवद्धता व्यक्त गरे ।

उनको समाजसेवी भावना र जनताहरु बीच उनको स्वच्छ छविलाई देखेर उनको जित प्रति आफ्नो पार्टी विश्वस्त रहेको उनी निकटका नेताहरुले बताउँछन् । यादव नगर उपप्रमुख प्रत्यासी इसरागन यादव लगायत महिला सदस्य, दलित सदस्य र खुल्ला सदस्यका साथ घरदैलो कार्यक्रम लिएर पुग्दा साढे ४ वर्षमा विकासको नाममा एउटा पनि राम्रो काम नभएको भन्ने गुनासो लिएर बसेका जनताहरू अब बल्ल नगरको मुहार फेरिने भयो भन्दै उत्साहित देखिएका छन् ।

नगरका जनताहरु पनि यसपटक यादवलाई नै समर्थन र साथ दिने बताउँछन् । जनसमुदायलाई अत्यधिक मत दिएर आफुलाई विजय बनाउन उनले अनुरोध गरेका छन् ।