जितेपछि यस्तो विकास गर्ने गुप्ताको दाबी

4 वर्ष पहिले प्रकाशित

(2079-01-22 B.S.)

16300 पटक देखिएको

निरन्जन

जनता समाजवादी पार्टीबाट गौशाला नगरपालिका वडा नम्बर ५ को वडा अध्यक्ष का उम्मेदवार ओम प्रकाश गुप्ताले चुनाव जितेपछि जनतामा निराशापन छाउन नदिने दाबी गरेका छन् ।

बजारस्थित रहेको गुप्ता वस्त्रालयको परिचयबाट चर्चित ओम प्रकाश गुप्ताले जनसमुदायको सेवा गर्ने आफ्नो आकांक्षा अनुरूप उम्मेदवारी दिएको बताएका छन् । जनताको साथ अटल विश्वास आफूलाई प्राप्त भएमा गौशाला बजारको कुनाकुनामा प्रकाश छरेर उज्यालो पार्ने उनले प्रतिबद्धता व्यक्त गरेका छन् ।

आफूमाथि विश्वास कायम राखी भोट दिनको लागि अनुरोध गर्दै उनले घरदैलो कार्यक्रम पनि बृहत् रूपमा गरिरहेका छन् ।

उनले आफ्नो एजेण्डामा गौशाला बजारलाई व्यवस्थापन गरी घैला बजार, तरकारी बजार, माछा बजारलाई फोहर, दुर्गन्ध मुक्त बनाउने, बजारको हरेक ठाउँमा ढलान गर्ने, मन्दिरलाई सौन्दर्यकरण गर्ने, व्यापारिक क्षेत्र यसको वृद्धि गर्ने, सार्वजनिक शौचालयको व्यवस्थापन गर्ने, खानेपानीको व्यवस्थापन गर्ने, लगायत किसानहरूको लागि विभिन्न तालिमहरु सञ्चालन गरि मलखाद बीउको आपूर्ति गर्ने, सिचाईको व्यवस्थापन गर्ने, बिजुली बत्तीको सहजीकरण गर्ने, जनसमुदायको लागि तथा महिला विपन्न वर्गका लागि सीपमूलक तालिम प्रदान गरी रोजगारीको वातावरण सुनिश्चित गर्ने, वडाको फोहरमैला व्यवस्थापन गर्ने, आवश्यकतानुसार सडक ढलान तथा निर्माण गर्ने बेरोजगारलाई रोजगार प्रदान गर्ने रहेका छन् ।