सोनमा गाउँपालिकामा जसपा पार्टीले जित्नै पर्छ :निवर्तमान अध्यक्ष राजकुमार यादव ,यस्तो छ कारण

4 वर्ष पहिले प्रकाशित

(2079-01-24 B.S.)

4651 पटक देखिएको

निरन्जन साह

वैशाख ३० गते हुने स्थानीय तह निर्वाचनका लागि सोनमा गाउँपालिकामा जसपा पार्टीबाट अध्यक्ष पदमा उम्मेदवारी दिएका निवर्तमान अध्यक्ष राजकुमार यादवले घरदैलो कार्यक्रम तिब्र पारेका छन् ।

५ वर्ष आफ्नो कार्यकाल बिताएका यादवले पुन अध्यक्ष पदको उम्मेदवारी दिएका छन् । गाउँपालिकामा विकासका केहि कामहरु बाकी रहेको र अनुभव अनुसार आवश्यकता अनुरुप विकास गर्ने लक्ष्य बोकी घरदैलो कार्यक्रम गरि जनताहरु समक्ष भोट मागिरहेका छन् ।

यसपालिको चुनावमा जनताले साथ र भोट दिएर जिताएमा अधुरा कार्यहरु पुरा गर्ने देखि लिएर फोहर व्यवस्थापन, सडक ,सिचाई, मलखाद, सौन्दर्यकरण,सुकुम्बासी तथा भूमिहीनका लागि पालिकामा आवासको व्यवस्था गर्ने प्रतिबद्धता व्यक्त गरेका छन् ।
उनले नीतिगत तथा संस्थागत भ्रष्टाचारमुक्त सोनमा गाउँपालिका निर्माण गर्ने, ऐतिहासिक, धार्मिक, सांस्कृतिक तवरले पालिकाको संरक्षण सम्वर्द्धनको रुपमा विकास गर्ने तथा आधुनिक पालिका निर्माणका लागि शिक्षा तथा स्वास्थ्य क्षेत्रको विकास गर्ने प्रतिबद्धता जनाएका छन् ।

उनले रिंगरोड निर्माण गरी ऐतिहासिक, धार्मिक तथा पर्यटकीय नगरको रुपमा विकास गरी आधुनिक सोनमा गाउँपालिकाको निर्माण गर्ने, ल्याण्ड फिल्ड साइटको व्यवस्थापन गरी पालिकाभित्र रहेको फोहरमैलाको वैज्ञानिक प्रविधिद्वारा व्यवस्थित गरी फोहोरबाट मोहर बनाउने, सामुदायिक विद्यालयहरुमा स्थानीयस्तरमा पाठ्यपुस्तक तयार गरी पठनपाठनको शुरुवात गर्ने लगायतका प्रतिबद्धता पनि व्यक्त गरेका छन् ।

यस्तै महिला तथा युवाहरुलाई सीपमुलक तालिम दिई स्वरोजगारको व्यवस्था गर्ने, युवालाई विदेश पलायन हुनबाट रोक्नका लागि कृषिलाई आधुनिकीकरण तथा व्यवसायीकरणमा जोड दिने, पर्यटन क्षेत्रलाई बढावा दिन बस सञ्चालनमा ल्याउने आफ्नो योजना रहेको पनि जनसमुदाय समक्ष बताएका छन् ।