गौशाला बजारमा तोकिएको भन्दा बढी बट्टी लिएमा ठेकेदारलाई कारवाही गर्ने वडा अध्यक्ष गुप्ताको चेतावनी

4 वर्ष पहिले प्रकाशित

(2079-02-12 B.S.)

8910 पटक देखिएको

निरन्जन साह

महोत्तरीको मुख्य व्यापारिक केन्द्र गौशाला बजारमा कोशौ दुरबाट व्यापारीहरु खरिद विक्री गर्नको लागि बजार आउने गर्दछन । महोत्तरीको एउटा व्यापारीको केन्द्रको रुपमा रहेको गौशाला बजारमा खाद्यान्नको सम्पूर्ण समान लगायत लत्ता कपडा ,गाइ ,गोरु ,बाख्रा खरोइड विक्री हुने गर्दछ।

गौशाला बजार वर्षमा १ पटक ठेक्का समेत लाग्ने गर्दछ । कुन व्यापारी संग कति बट्टी उठाउने सम्बन्धित निकायले दर निर्धारण गरेको छ । तर ठेकेदारहरुले मनोमानी ढंगले बट्टी उठाउने गरेको नव निर्वाचित वडा अध्यक्ष ओम प्रकाश गुप्ताले बताएका छन् ।

आज बिहिबार गुप्ता नगर प्रहरीलाई लिएर बजारको अनुगमन गरेका छन् । ठेकेदारहरुले व्यापारीहरु संग बढी बट्टी लिने गरेको गुनासोको आधारमा खसी बजार ,गोरु बजार लगायत विभिन्न ठाउँमा अनुगमन गरेका छन् । उनले ठेकेदारहरुलाई बढी बट्टी नलिन सचेत गराएका छन्। यदि बढी बट्टी लिएको पाइएमा हदै सम्मको कारवाहीको उनले बताए ।

वडा अध्यक्षले भने , "म व्यापारीको दुख र मर्म राम्रो संग बुझ्छु । कुनै पनि ठेकेदार व्यापारी संग बढी पैसा ठगि वा असुली गरेमा तुरुन्त कडा भन्दा कडा कारवाही हुनेछ । स्वच्छ गौशाला ,समृद्ध गौशालाको निर्माण गर्ने प्रतिबद्धता व्यक्त गर्दछु।"