जसपाको क्षेत्रीय अध्यक्षमा नगर प्रमुख डा.दिपेन्द्र महतो सर्व सहमतिले चयन

4 वर्ष पहिले प्रकाशित

(2079-05-04 B.S.)

5776 पटक देखिएको

गौशाला

जनता समाजवादी पार्टीको क्षेत्रीय अध्यक्षमा गौशाला नगरपालिकाका नगर प्रमुख डा.दिपेन्द्र महतो सर्व सहमतिले चयन भएका छन् ।

शनिबार गौशाला स्थित सम्पन्न जसपा नेपालको महोत्तरी क्षेत्र न.१ को वैठकले नगर प्रमुख डा.महतोको अध्यक्षतामा ५१ सदस्यीय क्षेत्रीय समिति गठन गरेको हो ।

समितिको उपाध्यक्षमा लक्ष्मी मोक्तान ,रामकुमारी महतो ,सचिवमा रामपुकार यादव ,सह सचिवमा शत्रुधन राम ,कोषाध्यक्षमा मिथिलेश यादव लगायत सदस्यहरुमा कुशेश्वर सिंह कुशवाहा, कुमर कान्त झा, विष्णुदेव सिंह दनुवार, संजीव चौधरी , विनोद यादव, सीता देवी महतो लगायत रहेका छन् ।

त्यस्तै समितिको सल्लाहकारमा लक्ष्मी महतो ,रमेश महतो ,नवल किशोर यादव ,सुर्य नारायण महतो ,बिनोद महतो ,रामकुमारी महतो ,राम श्रेष्ठ महतो ,शेष जलिल ,देव नारायण महतो रहेका छन् ।

साथै प्रदेश सभा समन्वय समिति प्रदेश (क) मा राम बाबु यादवका अध्यक्षतामा ५१ सदस्य कमिटि गठन गरिएको छ भने प्रदेश (ख) मा योग नारायण महतोको अध्यक्षतामा ५१ सदस्य कमिटी गरिएको छ । जसमा उपाध्यक्षमा अनिल महतो , रेणु कुमारी महतो, महेश्वर यादव, कोषाध्यक्षमा फेकन महतो, सचिवमा मनोज ठाकुर, सह-सचिवमा भागिरथ यादव, सदस्य रिझन महतो, फुलो देवी महतो , राम चन्द्र चौधरी लगायत ५१ सदस्य समिति गठन भएको हो ।

उक्त भेलाबाट क्षेत्र भित्र पर्ने सम्पूर्ण वडा समितिहरुको गठन पुर्नगठन भाद्र मसान्त भित्र सम्पन्न गर्ने भनी समेत निर्णय गरेको सदस्य रमेश महतोले जानकारी दिए ।