सम्सीमा वडा न. १ को नव निर्मित वडा कार्यालय भवन गा.पा. अध्यक्षद्वारा समुद्घाटन

राजनीति मधेश प्रदेश मुख्य समाचार

4 वर्ष पहिले प्रकाशित

(2079-06-04 B.S.)

15739 पटक देखिएको

Niranjan Kumar Sah

निरन्जन कुमार साह

महोत्तरी , असोज ४ गते

महोत्तरीको सम्सी गाउँपालिका वडा न १ को नव निर्मित कार्यालय भवनको उद्घाटन कार्यक्रम सम्पन्न भएको छ । मंगलबार सम्सी गाउँपालिकाका अध्यक्ष रामनाथ यादव र वडा न.१ का वडा अध्यक्ष विपिन बिहारी यदुविरले संयुक्त रुपमा उद्घाटन गरेका हुन् । गाउँपालिका अध्यक्षले रिबन काटेर नव निर्मित वडा कार्यालयका उद्घाटन गरेका छन् ।

उद्घाटन पश्चात गाउँपालिका अध्यक्ष रामनाथ यादवले सम्सी गाउँपालिकाको प्रत्येक वडाको नयाँ कार्यालय भवन बनाउने बताएका छन् । उनले भने ,'सम्सी गाउँपालिकामा रहेको ७ वटै वडाको नयाँ कार्यालय भवन जति सक्दो छिटो निर्माण गर्ने मेरो लक्ष्य छ । साथै गाउँपालिकाको कार्यालयको आफनै भवन बनाउने छौ । त्यसको लागि जे जति कार्य गर्नुपर्छ म गर्न तयार छु ।'

साथै उनले सम्सी गाउँपालिकामा अबको केहि समयमै विकासको लहर छाउने दावी गरेका छन् । उनले जनतालाई जति सक्दो सहज तरिकाले सेवा सुविधा प्रदान गर्न तत्परता देखाउने बताए ।

कार्यक्रममा गा.पा. अध्यक्ष ,वडा न १ का वडा अध्यक्ष ,प्रमुख प्रशासकीय अधिकृत गणेश चन्द्र मिश्र ,आर्थिक प्रशासन शाखाका रोशन कुमार राउत ,इन्जिनियर प्रतिक कुमार यादव लगायत विभिन्न क्षेत्रका राजनीतिकर्मी ,समाजसेवी वुद्धिजीवी वर्गको सहभागिता रहेको थियो ।

२०७४ सालमा भएको चुनावबाट निर्वाचित भएका जनप्रतिनिधिहरुले सम्सी गाउँपालिकामा खासै विकास नगरेको त्यहाँ स्थानीयहरुको भनाई छ तर यसपाली निर्वाचित भएका नयाँ जनप्रतिनिधिहरुले सम्सी गाउँपालिकाको मुहार फेर्ने जनसमुदायले विश्वास व्यक्त गरेका छन् ।