पाँच दलीय गठबन्धनको घरदैलो कार्यक्रममा ठुलो र्याली

3 वर्ष पहिले प्रकाशित

(2079-07-25 B.S.)

5264 पटक देखिएको

ममता शर्मा ।
महोत्तरी , कार्तिक २५ गते ।

महोत्तरी क्षेत्र न.१ मा पाँच दलीय गठबन्धनका उम्मेदवारहरुले गौशाला नगरपालिका वडा न.५ स्थित ठुलो संख्यामा घरदैलो कार्यक्रम अन्तर्गत र्याली निकालेका छन् ।

उक्त र्याली गौशाला नगरपालिका वडा न.५ का विभिन्न गल्लिको घरघरमा घरदैलो गर्दै गौशाला बजारको घैला बजारमा कोणसभा गरेका थिए । असोज २३ गते पाँच दलीय गठबन्धनबाट महोत्तरी क्षेत्र न.१ को प्रतिनिधि सभा सदस्यका लागि माओवादी पार्टीबाट गिरिराजमणि पोखरेल , महोत्तरी क्षेत्र न.१ (क) मा लोसपा पार्टीबाट पिताम्बर महतो ,(ख) मा माओवादी पार्टीबाट भरत प्रसाद साहले उम्मेदवारी दिएका छन् । कार्तिक १७ गतेदेखि घर दैलो कार्यक्रम गर्दै शुक्रबार महोत्तरीको गौशाला ५ मा बृहत हजारौको संख्यामा ५ वटै दलका कार्यकर्ता ,जनता सहभागी भएर घर दैलो कार्यक्रम सम्पन्न गरेका छन् ।

कोण सभामा सम्बोधन गर्दै भरत प्रसाद साहले केपी ओली मधेशी जनताको विरोधी रहेको बताएका छन् । “संबिधानमा समेत उल्लेख नरहेको संसद बिघटन गर्ने केपी ओली मधेशी जनताको विरोधी हुन । केपी ओलीले मधेशी नागरिकहरुलाई अनागरिक बनाउने कार्य गरेका छन् । त्यसैले अनागरिकहरुलाई नागरिक बनाउनको लागि पाँच दलीय गठबन्धन अगाडी बढिरहेको छ । त्यसको लागि माओवादी पार्टीलाई जनताले माफ्नो मतदान गर्नु जरुरि छ ।”साहले ‘खबरदार केपी ओली ! भन्दै मधेशी जनता अब आफ्नो अधिकारको पक्षमा सचेत भइसकेका दावी गरेका छन् ।

त्यस्तै प्रतिनिधि सभा सदस्यका उम्मेदवार गिरिराजमणि पोखरेलले स्थिर शासनको लागि गठबन्धनमा भोट दिन जनतालाई आग्रह गरे । मङ्सिर ४ गतेको चुनाव संविधानको रक्षा गर्ने ,जनताको भावनालाई सम्मान गर्ने लडाई भएकोले लोकतन्त्रको रक्षा , संघियताको रक्षा, संबिधानको कार्यान्वयन राष्ट्रियताको जगेर्ना ,जनमतको जगेर्ना गरि जनताको विश्वास आर्जन गर्न लागिपर्ने बताए । उनले भने , “इतिहासका निर्माता जनता हुन् । देशको शक्तिशाली यन्त्र जनता हुन् । हामी जनताको लागि लड्दै छौ ।”उनले मङ्सिर ४ गतेको चुनावमा विजय भए पश्चात नागरिकता विधेयक लागु गर्ने समेत दावी गरे ।